GDP estimates for 2021-22: 2021-22 ఆర్థిక సంవత్సరంలో భారత ఆర్థిక వ్యవస్థ 8.9 శాతం వృద్ధి సాధించనుందని కేంద్ర ప్రభుత్వం అంచనా వేసింది. ప్రస్తుత ఆర్థిక సంవత్సరం అక్టోబర్-డిసెంబర్ త్రైమాసికంలో దేశ జీడీపీ 5.4 శాతం వృద్ధి చెందిందని తెలిపింది. 2020-21 ఆర్థిక సంవత్సరం క్యూ3తో పోలిస్తే జీడీపీ 0.7 శాతం మేర పెరిగిందని జాతీయ గణాంక సంస్థ విడుదల చేసిన డేటాలో వెల్లడైంది.
జనవరిలో విడుదల చేసిన అంచనాల్లో దేశ జీడీపీ 9.2 శాతం వృద్ధి చెందుతుందని జాతీయ గణాంక సంస్థ పేర్కొంది. అయితే, తాజా ప్రకటనలో మాత్రం వృద్ధిని 8.9 శాతంగా అంచనా వేసింది.