రెడ్మీ నోట్ శ్రేణిలో మరో కొత్త మోడల్ను ఆవిష్కరించేందుకు చైనా స్మార్ట్ఫోన్ దిగ్గజం షోమీ సిద్ధమైంది. నోట్ సిరీస్లో ఇప్పటి వరకు వచ్చిన అన్ని మోడళ్లకు దక్కిన ఆదరణ దృష్టిలో ఉంచుకుని సరికొత్త ఫీచర్లతో... నోట్ 8 ప్రో పేరుతో కొత్త మోడల్ను తీసుకురానున్నట్లు తెలిపింది. ప్రస్తుతం స్మార్ట్ఫోన్ మార్కెట్లో వెనుకవైపు నాలుగు కెమెరాల ట్రెండ్ నడుస్తోంది. ఈ నేపథ్యంలో నోట్ 8 ప్రోలోనూ నాలుగు కెమెరాలు పొందుపరిచినట్లు షోమీ ఇప్పటికే వెల్లడించింది. ఈ ఫోన్ మొదట ఆగస్టు 29న చైనా మార్కెట్లో విడుదల కానుంది. భారత్లో విడుదల తేదీ తెలియాల్సి ఉంది.
షోమీ వెల్లడించిన నోట్8 ప్రో ఫీచర్లు ఇవే..
- 64 మెగా పిక్సల్తో వెనుకవైపు నాలుగు కెమెరాలు
- పాప్-ఆప్ సెల్ఫీ కెమెరా
- స్నాప్ డ్రాగన్ 700 ప్రాసెసర్
- ఆండ్రాయిడ్ 9.0 పై
- ఎంఐయూఐ 10
- 4,500 ఎంఏహెచ్ బ్యాటరీ, వేగవంతమైన ఛార్జింగ్ సపోర్ట్
- టైప్ సీ యూఎస్బీ