వార్షిక ఫలితాల సమయంలో ఆచితూచి..

ఈ వారం వరుసగా రెండో సెషన్​లోనూ స్టాక్​ మార్కెట్లు ఊగిసలాట నడుమ ప్రారంభమయ్యాయి. స్వల్ప నష్టాలతో ప్రారంభమైన సెన్సెక్స్​... ప్రస్తుతం కోలుకుని 103.64 పాయింట్లు పెరిగింది. ఓ దశలో 12 పాయింట్ల నష్టాన్ని నమోదు చేసింది. నిఫ్టీ కూడా అదే బాటలో సాగి ప్రస్తుతం 18.25 పాయింట్ల లాభంతో ట్రేడవుతోంది.

కంపెనీల వార్షిక ఫలితాలు, సార్వత్రిక ఎన్నికలు సమీపిస్తున్న వేళ మదుపరులు ఆచితూచి వ్యవహరిస్తున్నారు.

ఈ నేపథ్యంలో వారంలో రెండో సెషన్​లోనూ ఒడుదొడుకుల నడుమ ప్రారంభమయ్యాయి స్టాక్​ మార్కెట్లు.

బొంబాయి స్టాక్​ ఎక్స్చేంజి సూచీ-సెనెక్స్​ స్వల్ప నష్టాల్లో ప్రారంభమై ఓ దశలో 12 పాయింట్లు కోల్పోయింది. ప్రస్తుతం నష్టాల నుంచి తేరుకుని 103.64 పాయింట్ల వృద్ధితో 38,804.17 వద్ద ట్రేడవుతోంది.

జాతీయ స్టాక్​ ఎక్స్చేంజి సూచీ-నిఫ్టీ స్వల్ప నష్టాలతో ప్రారంభమైంది. కాసేపటికే 18.25 పాయింట్లు బలపడి.. ప్రస్తుతం 11,622.75 వద్ద ట్రేడింగ్ కొనసాగిస్తోంది.

ప్రధానంగా ఆర్థిక రంగాల్లో అమ్మకాలకు మొగ్గుచూపుతున్నారు మదుపరులు.

సెన్సెక్స్​లో హెచ్​సీఎల్​ టెక్​, వేదాంత, టాటా మోటర్స్​, హెచ్​యూఎల్, కోల్​ ఇండియా, ఐసీఐసీఐ బ్యాంకు షేర్లు లాభాల్లో ట్రేడవుతున్నాయి.

ఏషియన్​ పెయింట్స్​, బజాజ్​ ఫినాన్స్​, కొటక్​ బ్యాంకు, భారతీ ఎయిర్​టెల్​, టాటా స్టీల్​, ఎస్​బీఐ షేర్లు నష్టాల్లో ట్రేడవుతున్నాయి.