ప్రతికూల అంతర్జాతీయ పవనాలతో స్టాక్ మార్కెట్లు నేడు మిశ్రమంగా ముగిశాయి.
బొంబాయి స్టాక్ ఎక్స్చేంజి సూచీ-సెన్సెక్స్ 15 పాయింట్లు క్షీణించింది. చివరకు 39,741 వద్ద ముగిసింది. జాతీయ స్టాక్ ఎక్స్చేంజి సూచీ-నిఫ్టీ 8 పాయింట్ల వృద్ధితో 11,914 వద్ద స్థిరపడింది.
ఇంట్రాడే సాగిందిలా..
నేడు నష్టాలతో ప్రారంభమైన సెన్సెక్స్ సెషన్ మొత్తం 39,461-39,800 పాయింట్ల మధ్య కదలాడింది.
నిఫ్టీ నేడు 11,931 పాయింట్ల గరిష్ఠాన్ని తాకగా.. ఓ దశలో 11,817 పాయింట్ల కనిష్ఠానికి తగ్గింది.
లాభనష్టాల్లోనివి ఇవే..
పవర్ గ్రిడ్ 1.54 శాతం, ఎం & ఎం 1.33 శాతం, కోటక్ బ్యాంకు 1.33 శాతం, బజాజ్ ఫినాన్స్ 1.14 శాతం, భారతీ ఎయిర్టెల్ 0.96 శాతం, యాక్సిస్ బ్యాంకు 0.90 శాతం లాభాలను నమోదు చేశాయి.
బ్రోకరేజీ సంస్థ యూబీఎస్‌.. ఎస్ బ్యాంకు లెండింగ్ రేటింగ్కు కోత విధించింది. ఈ నేపథ్యంలో సంస్థ షేరు ఏకంగా 12.96 శాతం నష్టపోయింది. ఇండస్ఇండ్ బ్యాంకు 4.96 శాతం, ఇన్ఫోసిస్ 1.49 శాతం, మారుతి 1.03 శాతం, వేదాంత 1.03 శాతం, హీరో మోటోకార్ప్ 0.95 శాతం నష్టాలను మూటగట్టుకున్నాయి.
