నిన్నటి (బుధవారం) నష్టాల తర్వాత స్టాక్ మార్కెట్లలో నేడు బుల్ జోరు కొనసాగింది. భారీ లాభాలతో జీవనకాల గరిష్ఠాలకు చేరాయి సూచీలు.
బొంబాయి స్టాక్ ఎక్స్చేంజి సూచీ-సెన్సెక్స్ 330 పాయింట్లు బలపడింది. చివరకు 39,832 వద్ద జీవనకాల అత్యధిక ముగింపు నమోదు చేసింది. జాతీయ స్టాక్ ఎక్స్చేంజి సూచీ-నిఫ్టీ 85 పాయింట్ల వృద్ధితో 11,946 జీవనకాల గరిష్ఠం వద్ద సెషన్ ముగించింది.
ఇంట్రాడే సాగిందిలా...
లాభాలతో ప్రారంభమైన సెన్సెక్స్ ఆద్యంతం అదే జోరు కనబరిచింది. సెషన్ మొత్తం 39,501 - 39,912 పాయింట్ల మధ్య కదలాడింది ఈ సూచీ.
నిఫ్టీ నేడు 11,969 పాయింట్ల గరిష్ఠాన్ని తాకగా.. ఓ దశలో 11,859 పాయింట్ల కనిష్ఠానికి చేరింది.
లాభనష్టాల్లోనివి ఇవే..
ఎన్టీపీసీ 3.44 శాతం, భారతీ ఎయిర్ టెల్ 2.33 శాతం, బజాజ్ ఫినాన్స్ 2.07 శాతం, టీసీఎస్ 1.91 శాతం, ఎస్ బ్యాంకు 1.88 శాతం, హెచ్డీఎఫ్సీ 1.81 శాతం, ఎస్బీఐ 1.46 శాతం లాభాలను నమోదు చేశాయి.
సన్ ఫార్మా అత్యధికంగా 2.39 శాతం నష్టపోయింది. ఎంఅండ్ఎం 1.61 శాతం, ఓఎన్జీసీ, 1.40 శాతం, ఇండస్ఇండ్ బ్యాంకు 1.35 శాతం, వేదాంత 1.12 శాతం, టాటా స్టీల్ 0.85 శాతం, టాటా మోటార్స్ 0.71 శాతం నష్టాల్లో ముగిశాయి.