వడ్డీ రేట్ల తగ్గింపుపై ఆశలు- వారాంతంలోనూ లాభాలు

బ్యాంకింగ్ రంగ షేర్ల ఊతంతో స్టాక్​ మార్కెట్లు వారాంతాన్ని లాభాలతో ముగించాయి. సెన్సెక్స్ 70 పాయింట్లు లాభపడింది. నిఫ్టీ 23 పాయింట్లు వృద్ధి చెందింది. భారతీ ఎయిర్​టెల్ షేర్లు​ నేడు 8 శాతానికి పైగా లాభపడ్డాయి.

స్టాక్ మార్కెట్లు నేడు స్వల్ప లాభాలతో ముగిశాయి. చిల్లర​ ద్రవ్యోల్బణం గణాంకాలు ప్రతికూలంగా ఉన్న కారణంగా ఆర్బీఐ కీలక వడ్డీ రేట్లు తగ్గించే అవకాశముందనే అంచనాలు నేటి లాభాలకు ప్రధాన కారణం.

బొంబాయి స్టాక్​ ఎక్స్చేంజి సూచీ-సెన్సెక్స్ 70 పాయింట్లు పుంజుకుంది. చివరకు 40,357 వద్ద స్థిరపడింది. జాతీయ స్టాక్​ ఎక్స్చేంజి సూచీ-నిఫ్టీ 23 పాయింట్ల వృద్ధితో..11,895 వద్దకు చేరింది.

ఇంట్రాడే సాగిందిలా..

సెన్సెక్స్​ 40,650 పాయింట్ల గరిష్ఠాన్ని తాకగా.. 40,308 పాయింట్ల కనిష్ఠాన్ని నమోదు చేసింది.
నిఫ్టీ నేడు 11,973 పాయింట్ల అత్యధిక స్థాయి.. 11,879 పాయింట్ల అత్యల్ప స్థాయిల మధ్య కదలాడింది.

లాభనష్టాల్లోనివి ఇవే..

ప్రస్తుత ఆర్థిక సంవత్సరం రెండో త్రైమాసికంలో భారతీ ఎయిర్​టెల్ భారీ నష్టాన్ని ప్రకటించింది. అయినప్పటికీ నేడు ఆ సంస్థ షేర్లు 8.42 శాతం లాభపడ్డాయి. ఎస్​బీఐ 5.19 శాతం, కోటక్ బ్యాంకు 1.06 శాతం, సన్​ఫార్మా 1.45 శాతం, టాటా మోటార్స్ 0.96 శాతం, ఎం&ఎం 0.68 శాతం లాభాలను గడించాయి.

హీరో మోటార్స్ 1.85 శాతం, బజాజ్ ఆటో 1.43 శాతం, మారుతీ 1.38 శాతం, ఐటీసీ 1.30 శాతం, వేదాంత 1.29 శాతం, ఎన్​టీపీసీ 1.14 శాతం నష్టాలను నమోదుచేశాయి.

ఇదీ చూడండి: 'ఉద్యోగం బాగుంది కానీ.. వేతనాలే ప్చ్..!'