​​​​​​​ఒడుదొడుకులు ఎదురైనా చివరకు రికార్డులు బద్దలు

హెవీ వెయిట్​ షేర్ల దన్నుతో స్టాక్ మార్కెట్లు నేడు లాభాలతో ముగిశాయి. సెన్సెక్స్​ 93 పాయింట్లు బలపడి సరికొత్త గరిష్ఠానికి చేరింది. నిఫ్టీ 33 పాయింట్ల లాభంతో జీవనకాల గరిష్ఠం వద్ద స్థిరపడింది.

స్టాక్ మార్కెట్లు నేడు సరికొత్త శిఖరాల వద్ద ముగిశాయి. ద్రవ్యోల్బణం గణాంకాల ప్రతికూలతలతో తొలుత నష్టాలను నమోదు చేశాయి సూచీలు. అయితే హెచ్​డీఎఫ్​సీ, ఐటీసీ, యాక్సిస్​ బ్యాంక్, టీసీఎస్​ వంటి హెవీ వెయింట్ షేర్లు సానుకూలంగా స్పందించి.. లాభాలకు దన్నుగా నిలిచాయి.

బొంబాయి స్టాక్​ ఎక్స్చేంజి సూచీ-సెన్సెక్స్ 93 పాయింట్లు వృద్ధి చెందింది. చివరకు 41,953 (జీవనకాల గరిష్ఠం) వద్ద స్థిరపడింది. జాతీయ స్టాక్​ ఎక్స్చేంజి సూచీ-నిఫ్టీ 33 పాయింట్ల లాభంతోతో 12,362 (జీవనకాల గరిష్ఠం) వద్దకు చేరింది.

ఇంట్రాడే సాగిందిలా..

సెన్సెక్స్​ 41,994 పాయింట్ల గరిష్ఠాన్ని తాకగా.. 41,771 పాయింట్ల కనిష్ఠాన్ని నమోదు చేసింది.
నిఫ్టీ నేడు 12,374 పాయింట్ల అత్యధిక స్థాయి.. 12,309 పాయింట్ల అత్యల్ప స్థాయిల మధ్య కదలాడింది.

లాభనష్టాల్లోనివి ఇవే..

హీరో మోటోకార్ప్​ 2.15 శాతం, ఐటీసీ 1.74 శాతం, ఎన్​టీపీసీ 1.48 శాతం, ఎం&ఎం 1.43 శాతం, టెక్​ మహీంద్రా 1.42 శాతం, యాక్సిస్ బ్యాంక్​ 1.38 శాతం లాభాలను నమోదు చేశాయి.

ఇండస్ఇండ్ బ్యాంక్ 3.85 శాతం, రిలయన్స్ 0.93 శాతం, కోటక్​ బ్యాంక్ 0.84 శాతం, ఎస్​బీఐ 0.82 శాతం, ఎల్​&టీ 0.63 శాతం నష్టాలను మూటగట్టుకున్నాయి.

ఇదీ చూడండి:ప్రతికూలతల మధ్య బడ్జెట్- కేంద్రం చేయాల్సిందేంటి?