'పండుగ సీజన్​లో రికార్డు స్థాయిలో రుణాలు'

కేంద్రం ఆదేశాలకు అనుగుణంగా అక్టోబర్​లో ప్రభుత్వ రంగ బ్యాంకుల నుంచి రికార్డు స్థాయి రుణాలు మంజూరు అయ్యాయి. కేవలం ఒక్క నెలలో ఆయా బ్యాంకుల నుంచి రూ.2.52 లక్షల కోట్ల రుణాలు ఇచ్చినట్లు ఆర్థిక మంత్రిత్వ శాఖ వెల్లడించింది.

ప్రభుత్వ రంగ బ్యాంకుల నుంచి ఈ ఏడాది పండుగ సీజన్​లో రికార్డుస్థాయిలో రుణాలు ఇచ్చినట్లు ఆర్థిక మంత్రిత్వ శాఖ వెల్లడించింది.

అక్టోబర్​లో మొత్తం రూ.2.52 లక్షల కోట్ల రుణాలు మంజూరు చేసినట్లు పేర్కొంది. ఇందులో రూ.1.05 లక్షల కోట్లు కొత్త సంస్థలకు ఇచ్చిన రుణాలేనని తెలిపింది. రూ.46,800 కోట్లు నిర్వహణ మూలధన రుణాలుగా మంజూరు చేసినట్లు ఆర్థిక మంత్రిత్వ శాఖ పేర్కొంది.

వీలైనంత ఎక్కువగా రుణాలు ఇవ్వాలని.. ప్రభుత్వ రంగ బ్యాంకులకు సెప్టెంబర్​లో సూచించింది కేంద్రం. ఇందులో భాగంగా రుణమేళాలు నిర్వహించాలని తెలిపింది. ప్రభుత్వ సలహా మేరకు రికార్డు​ స్థాయిలో రుణాలు అందించాయి బ్యాంకులు.

ఇదీ చూడండి:పార్లమెంటును తాకనున్న బ్యాంకుల విలీన వ్యతిరేక సెగ