లోగో మార్చిన ఫేస్​బుక్​.. ఎందుకో తెలుసా?

వాట్సాప్​, ఇన్​స్టాగ్రామ్ సహా తమకు చెందిన ఇతర సంస్థల్లో మాతృసంస్థను ప్రతిబింబించే ఫేస్​బుక్.. నూతన కార్పొరేట్ లోగోనూ ఆవిష్కరించింది​. ఫేస్​బుక్​ పేరును హైలెట్ చేస్తూ ఈ లోగోను రూపొందించింది. మారిన లోగోలు త్వరలోనే అందుబాటులోకి రానున్నాయి.

సామాజిక మాధ్యమ దిగ్గజం ఫేస్​బుక్ సరికొత్త కార్పొరేట్​ లోగోను ఆవిష్కరించింది. ఫొటో షేరింగ్​ మొదలుకొని, వర్చువల్​ రియాలిటీ, డిజిటల్ కరెన్సీ వంటి విభాగాల్లోని పలు కంపెనీలకు ఫేస్​బుక్ మాతృ సంస్థగా వ్యవహరిస్తోంది. ఇప్పుడు వాటి యాప్​లలో "ఫేస్​బుక్"​ పేరును హైలెట్​ చేస్తూ.. కొత్త లోగోను ఆవిష్కరించింది.

"ఫేస్​బుక్ గ్రూప్ సంస్థలను స్పష్టంగా గుర్తించే విధంగా ఈ కొత్త లోగోను తీసుకువచ్చాం. వాట్సప్, మెసెంజర్, ఇన్​స్టాగ్రామ్, వర్క్​ప్లేస్, కాలిబ్రా సహా పలు ఇతర యాప్​లో కొత్త లోగో 'ఫేస్​బుక్​'ను ప్రతిబింబిస్తుంది. - అంటోనియో లూసియో, ఫేస్​బుక్​ ప్రధాన మార్కెటింగ్ అధికారి

ఫేస్​బుక్ ప్రయాణం..

దాదాపు 15 ఏళ్ల క్రితం సామాజిక మాధ్యమ సంస్థగా ప్రస్థానాన్ని ప్రారంభించింది ఫేస్​బుక్.క్రమంగా ఎదుగుతూ.. ఇన్​స్టాగ్రామ్, వాట్సాప్ సహా పలు ఇతర సంస్థలను కొనుగోలు చేసి సామాజిక మాధ్యమాల్లో దిగ్గజంగా అవతరించింది. ఇప్పుడు తమకు చెందిన వేరువేరు సంస్థలను ఏకతాటిపైకి తెచ్చేందుకు లోగోల్లో మార్పులు చేసింది ఫేస్​బుక్.

ఇదీ చూడండి: అంతరిక్ష పయనానికి బోయింగ్​ సన్నాహాలు