ఫ్లిప్​కార్ట్ బిగ్​బిలియన్​ డేస్​ ప్రత్యేక ఆఫర్లు ఇవే!

పండుగ సీజన్ నేపథ్యంలో ప్రత్యేక ఆఫర్లను ప్రకటిస్తున్నాయి ఈ కామర్స్ దిగ్గజాలు. ఈ నెల 29 నుంచి అక్టోబర్​ 4 వరకు బిగ్​బిలియన్ డేస్​ సేల్ నిర్వహించనున్నట్లు ఫ్లిప్​కార్ట్​ ఇప్పటికే తెలిపింది. త్వరలోనే మరో ఈ కామర్స్ దిగ్గజం అమెజాన్ ఆఫర్లు ప్రకటించే అవకాశముంది.

రానున్న పండుగ సీజన్ నేపథ్యంలో మరో సారి 'బిగ్​ బిలియన్ డేస్​​' ఆఫర్​ను తీసుకొచ్చింది ఈ కామర్స్​ దిగ్గజం ఫ్లిప్​కార్ట్​. సెప్టెంబర్​ 29 నుంచి అక్టోబర్​ 4 వరకు ఈ ఆఫర్​ అందుబాటులో ఉండనుంది. ఫ్లిప్​కార్ట్ ​ప్లస్ చందాదారులకు ఈ ఆఫర్​ నాలుగు గంటల ముందే వినియోగించుకునేందుకు వీలు కలిపిస్తున్నట్లు తెలిపింది.

బిగ్​బిలియన్​ డేస్​ ఆఫర్​ సందర్భంగా ఐసీఐసీఐ బ్యాంకు, యాక్సిస్​ బ్యాంకులతో కలిసి ప్రత్యేక డిస్కౌంట్ ఆఫర్లను ఇవ్వనున్నట్లు ఫ్లిప్​కార్ట్ వెల్లడించింది.
ముఖ్యంగా ఫోన్లు, గాడ్జెట్లు, టీవీలు, గృహోపకరణాలు, ఫర్నీచర్​ వంటివి ప్రత్యేక తగ్గింపుతో విక్రయించనున్నట్లు ఫ్లిప్​కార్ట్​ వెల్లడించింది. ఫ్లిప్​కార్ట్​లో మొదటి సారి గృహోపకరణాలపై బీమా అందిస్తున్నట్లు పేర్కొంది.

ఇదీ చూడండి: భారీగా తగ్గిన యాపిల్​ ఐ ఫోన్ల ధరలు.. కారణమిదే!