వాణిజ్య భారతం: ఫటాఫట్​ న్యూస్​

నేటి వ్యాపార వార్తలు సంక్షిప్తంగా....

ఇండిగో షేర్లు 8 శాతం పతనం

ఇండిగో

దేశీయ విమానయాన దిగ్గజం ఇండిగో షేర్లు దాదాపు 7.55 శాతం నష్టంతో ట్రేడవుతున్నాయి. సంస్థ ప్రమోటర్ల మధ్య వివాదమే ఇందుకు కారణం.
బీఎస్​ఈలో ఇండిగో షేరు ధర ప్రస్తుతం రూ. 1,487.10 వద్ద కొనసాగుతోంది.

కొత్త ఉత్సాహంతో టాటా కెమికల్స్​

టాటా కెమికల్స్​

టాటా కెమికల్​ షేర్లు మిడ్​ సెషన్​లో దాదాపు 9 శాతం పుంజుకున్నాయి. బ్రాండెడ్​ ఆహార వ్యాపారాలను టాటా కెమికల్స్ నుంచి టాటా బేవరేజెస్​కు బదీలీ చేస్తున్నట్లు టాటా గ్రూపు ఇటీవల ప్రకటించింది. ఈ నేపథ్యంలో షేర్లు కొత్త ఉత్సాహంతో కొనసాగుతున్నాయి.
బీఎస్​ఈలో షేరు ధర ప్రస్తుతం రూ. 604 వద్ద ఉంది.

ఆశోక్​ లేలాండ్​కు 400 మినీ బస్సుల ఆర్డరు

ఆశోక్​ లేలాండ్​

హిందుజా గ్రూపునకు చెందిన అశోక్​ లేలాండ్ 400 మినీబస్సుల ఆర్డరు దక్కించుకుంది. ఆఫ్రికాకు చెందిన సెనెగల్ దేశం నుంచి ఈ ఆర్డరు వచ్చినట్లు సంస్థ​ తెలిపింది.
ఈ ఆర్డరు విలువ రూ.80 కోట్లుగా వెల్లడించింది.

లుపిన్​ షేర్లు కుదేలు

లుపిన్

ఫార్మా దిగ్గజం లుపిన్ షేర్లు నేటి ట్రేడింగ్​లో భారీగా పతనమయ్యాయి. ఔరంగాబాద్​లోని సంస్థ ఫ్యాక్టరీలో మూడు లోపాలను గుర్తించినట్లు అమెరికా ఆహార, ఔషధ నియంత్రణ సంస్థ (యూఎస్​ఎఫ్​డీఏ) వెల్లడించింది.

బీఎస్​ఈలో షేరు ధర ప్రస్తుతం రూ.736 వద్ద ఉంది.