ఈ నెల 19 నుంచి అమెజాన్ గ్రేట్​ ఇండియా సేల్

ఆన్​లైన్ షాపింగ్​ చేయాలనుకునేవారికి మరో సారి గుడ్ న్యూస్ చెప్పింది అమెజాన్ ఇండియా. ఈ నెల 19 నుంచి 22 వరకు 'అమెజాన్​ గ్రేట్​ ఇండియా సేల్'​ నిర్వహించనున్నట్లు ప్రకటించింది. ఆ ఆఫర్​కింద భారీ డిస్కౌంట్లతో విక్రయాలు జరపనున్నట్లు తెలిపింది. మరి ఆ ఆఫర్లు ఏంటో తెలుసుకోండి ఇప్పుడే.

ఈ-కామర్స్ దిగ్గజం అమెజాన్​ మరో సారి 'గ్రేట్ ఇండియా సేల్'​ నిర్వహించేందుకు సిద్ధమైంది. 2020లో తొలి సారి వస్తున్న ఈ ఆఫర్​ జనవరి 19 నుంచి 22 వరకు అందుబాటులో ఉండనున్నట్లు అమెజాన్​ ప్రకటించింది. ప్రైమ్​ సభ్యత్వం ఉన్న వినియోగదారులకు జనవరి 18 మధ్యాహ్నం 12 గంటల నుంచే ఈ ఆఫర్ అందుబాటులోకి రానున్నట్లు తెలిపింది.

'అమెజాన్ గ్రేట్ ఇండియా సేల్​'లో షాపింగ్ చేసేవారికి భారీ డిస్కౌంట్లతో పాటు.. ఎస్​బీఐ క్రెడిట్​ కార్డుతో చెల్లింపులు చేస్తే 10 శాతం తక్షణ తగ్గింపు లభించనున్నట్లు వెల్లడించింది.స్మార్ట్​ఫోన్లు, ఎలక్ట్రానిక్ ఉపకరణాలు, సౌందర్య సాధనాలు, భారీ గృహోపకరణాలు, టీవీలు, నిత్యవసరాలు సహా అన్ని రకాల ఉత్పత్తులు ఈ ఆఫర్​లో భారీ డిస్కౌంట్లలో లభించనున్నట్లు అమెజాన్ ఇండియా పేర్కొంది.

ఇదీ చూడండి:బెంజ్​కే మళ్లీ లగ్జరీ కార్ల మార్కెట్​ కింగ్​ కిరీటం