ఆర్థిక నేరారోపణలు ఎదుర్కొంటూలండన్లో తలదాచుకుంటున్న వ్యాపారి విజయ్ మాల్యా... మరోమారు భారతీయ బ్యాంకుల తీరును తప్పుబట్టారు. ఎన్డీఏ హయాంలో బ్యాంకులు ద్వంద్వనీతిప్రదర్శిస్తున్నాయని దుయ్యబట్టారు.
కర్ణాటక కోర్టుకు సమర్పించిన తన లిక్విడ్ ఆస్తులు అమ్మి... ఆ సొమ్ముతో అర్థిక ఇబ్బందుల్లో ఉన్న జెట్ ఎయిర్వేస్ను గట్టెక్కించాలంటూ బ్యాంకులకు చురకలంటించారు.
జెట్ ఎయిర్వేస్ను ఆదుకున్న బ్యాంకులు తన కింగ్ఫిషర్ ఎయిర్లైన్స్ సంస్థను మాత్రం అన్యాయంగా ముంచేశాయని విమర్శించారు మాల్యా. జెట్ ఎయిర్వేస్ను గట్టెక్కించేందుకు సంస్థ యాజమాన్య బాధ్యతలను ఎస్బీఐ తీసుకోవడాన్ని మాల్యా అభినందించారు.
కింగ్ ఫిషర్ను కూడా ఇలానే ఆదుకుని ఉంటే బాగుండేదని అయన అన్నారు. ఉత్తమ ఉద్యోగులతో, భారత్లో అత్యుత్తమ విమాన సంస్థగా ఉన్న కింగ్ఫిషర్ ఎయిర్లైన్స్పై కనికరం చూపలేదని విజయ్ మాల్యా విమర్శించారు.
"నేను మళ్లీ చెబుతున్నా. రుణదాతలకు అప్పు చెల్లించేందుకు నా లిక్విడ్ ఆస్తులను కర్ణాటక హైకోర్టు ముందుంచా. బ్యాంకులెందుకు నా వద్ద డబ్బులు తీసుకోవడం లేదు? అ ఆస్తులు జెట్ ఎయిర్వేస్ను ఆదుకోడానికి పనికొస్తాయేమో చూడండి" -ట్విట్టర్లో విజయ్ మాల్యా
"కింగ్ ఫిషర్ను, సంస్థ ఉద్యోగులను రక్షించేందుకు రూ.4,000 కోట్ల పెట్టుబడి పెట్టాను. నా కృషిని ఎవరూ పట్టించుకోకపోగా, వీలైనంతగా నాపై దాడిచేశారు. కింగ్ ఫిషర్ పట్ల ఒకలా, జెట్ ఎయిర్వేస్ పట్ల మరోలా వ్యవహరిస్తున్న బ్యాంకులు గొప్పవి. మీడియా కూడా ప్రధానికి లేఖ రాస్తానంటే నా పట్ల అలానే వ్యవహరించింది. ఎన్డీఏ సర్కారు రాగానే అంతగా ఏం మారిందో అర్ధం కావట్లేదు."-మాల్యా
