ప్రపంచ కుబేరుడు, అమెజాన్ సీఈవో జెఫ్ బెజోస్ కాలిఫోర్నియాలోని బెవర్లీ హిల్స్‌లో నిర్మించిన వార్నర్ ఎస్టేట్‌ను కొనుగోలు చేశారు. దీని విలువ 165 మిలియన్ డాలర్లు (సుమారు రూ.1200 కోట్లు) ఉంటుందని స్థానిక మీడియా తెలిపింది.
రికార్డు ధరతో
ప్రముఖ హాలీవుడ్‌ నిర్మాత డేవిడ్ గిఫెన్‌ నుంచి ఆయన ఈ ఇంటిని కొనుగోలు చేశారు. ఈ డీల్‌తో లాస్‌ ఏంజిల్స్ ప్రాంతంలో ఇదే అత్యంత ఖరీదైన ఇల్లుగా నిలిచింది. గతంలో ప్రముఖ మీడియా అధినేత లాచ్లాన్‌ ముర్దోక్ 150 మిలియన్ డాలర్లు వెచ్చించి ఒక ఇంటిని కొనుగోలు చేశారు. తాజాగా బెజోస్ ఆ రికార్డును అధిగమించారు. అయితే బెజోస్ కొన్న ఇంటికి సంబంధించిన పూర్తి వివరాలు వెల్లడికాలేదు.