15:49 September 16
వాహన షేర్ల జోరు..
వృద్ధికి ఊతమందించే చర్యలుంటాయని ఆర్బీఐ గవర్నర్ చేసిన ప్రకటనలతో స్టాక్ మార్కెట్లు బుధవారం లాభాలను నమోదు చేశాయి. సెన్సెక్స్ 258 పాయింట్లు లాభపడి 39,303 వద్ద స్థిరపడింది. నిఫ్టీ 83 పాయింట్ల వృద్ధితో 11,604 వద్దకు చేరింది.
వాహన, ఐటీ, ఫార్మా షేర్లు లాభాలకు దన్నుగా నిలిచాయి.
10:14 September 16
స్టాక్ మార్కెట్లు స్వల్ప లాభాల్లో కొనసాగుతున్నాయి. సెన్సెక్స్ దాదాపు 70 పాయింట్ల లాభంతో 39,111 వద్ద ట్రేడవుతోంది. నిఫ్టీ దాదాపు 20 పాయింట్లు పెరిగి 11,540 వద్ద కొనసాగుతోంది.
అమెరికా ఫెడ్ వడ్డీ రేట్ల నిర్ణయం వెలువడనున్న నేపథ్యంలో మదుపరులు కాస్త ఆచితూచి వ్యవహరిస్తున్నట్లు తెలుస్తోంది.
ఆసియాలో ఇతర ప్రధాన మార్కెట్లు అయిన షాంఘై, హాంకాంగ్ సూచీలు నష్టాల్లో ట్రేడవుతున్నాయి. టోక్యో, సియోల్ సూచీలు లాభాల్లో ఉన్నాయి.
ముడి చమురు ధరల సూచీ-బ్రెంట్ 1.51 శాతం పెరిగి.. అంతర్జాతీయ మార్కెట్లో బ్యారెల్ ముడి చమురు ధర 41.14 వద్దకు చేరిది.
08:59 September 16
స్వల్ప లాభాల్లో సూచీలు
స్టాక్ మార్కెట్లు బుధవారం సానుకూలంగా ప్రారంభమయ్యాయి. బీఎస్ఈ-సెన్సెక్స్ దాదాపు 60 పాయింట్ల స్వల్ప లాభంతో 39,073 వద్ద ట్రేడవుతోంది. ఎన్ఎస్ఈ-నిఫ్టీ స్వల్పంగా 10 పాయింట్లకుపైగా పెరిగి 11,534 వద్ద కొనసాగుతోంది.
ఆటో షేర్లు సానుకూలంగా స్పందిస్తున్నాయి.