బ్యాంకింగ్ షేర్ల దన్నుతో ఆరో రోజూ లాభాలే

15:48 June 03

జోరు తగ్గినా లాభాలే

స్టాక్ మార్కెట్లు బుధవారం సెషన్​లో లాభాలతో ముగిశాయి. సెన్సెక్స్​ 284 పాయింట్లు పుంజుకుని 34,109 వద్ద స్థిరపడింది. నిఫ్టీ 82 పాయింట్ల వృద్ధితో 10,061 వద్దకు చేరింది. ఆరంభంతో పోలిస్తే చివరకు సూచీల జోరు కాస్త తగ్గింది.

బుధవారం సెషన్​తో కలిపి స్టాక్ మార్కెట్లు లాభాలతో ముగియడం వరుసగా ఆరో రోజు.

బ్యాంకింగ్ రంగ షేర్లు లాభాలకు దన్నుగా నిలిచాయి.  

లాభనష్టాల్లోనివి ఇవే..

ఎం&ఎం, కోటక్ మహీంద్రా బ్యాంక్, బజాజ్ ఫినాన్స్, నెస్లే, ఎస్​బీఐ, ఐసీఐసీఐ బ్యాంక్​లు ప్రధానంగా లాభాపడ్డాయి.

ఎన్​టీపీసీ, ఇండస్​ఇండ్ బ్యాంక్, భారతీ ఎయిర్​టెల్, మారుతీ, హీరో మోటోకార్ప్ షేర్లు నష్టాలను నమోదు చేశాయి.

11:07 June 03

నెమ్మదించిన లాభాలు..

స్టాక్ మార్కెట్లలో లాభాలు కొనసాగుతున్నాయి. ఆరంభంతో పోలిస్తే కాస్త నెమ్మదించాయి సూచీలు. సెన్సెక్స్ 350 పాయింట్లకుపైగా లాభంతో 34,177 వద్ద ట్రేడవుతోంది. నిఫ్టీ 110 పాయింట్లకుపైగా వృద్ధితో 10,095 కొనసాగుతోంది.

• బ్యాంకింగ్ షేర్లు ప్రధానంగా లాభాల్లో ఉన్నాయి.
• బజాజ్ ఫినాన్స్, ఎస్​బీఐ, ఐసీఐసీఐ బ్యాంక్​, యాక్సిస్ బ్యాంక్, ఓఎన్​జీసీ షేర్లు లాభాల్లో ఉన్నాయి.
• ఎన్​టీపీసీ, ఇన్ఫోసిస్, టీసీఎస్​, హెచ్​యూఎల్, భారతీ ఎయిర్​టెల్ షేర్లు నష్టాల్లో ట్రేడవుతున్నాయి.

09:44 June 03

లాభాల పరంపర..

అంతర్జాతీయ సానుకూలతలకు తోడు దేశీయంగా లాక్​డౌన్ సడలింపులు ఇవ్వడం, పారిశ్రామిక వర్గాలకు చేయూతనిస్తామని ప్రధాని మోదీ హామీ ఇవ్వడం వల్ల.. స్టాక్ మార్కెెట్లలో లాభాల పరంపర కొనసాగుతోంది.

సెన్సెక్స్​ దాదాపు 450 పాయింట్లు లాభపడి 34,273 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 140 పాయింట్లకుపైగా పుంజుకుని 10,124 వద్ద ట్రేడవుతోంది.  

లాభనష్టాల్లో..

బజాజ్ ఫినాన్స్, ఐసీఐసీఐ బ్యాంక్, హెచ్​డీఎఫ్​సీ బ్యాంక్, ఓఎన్​జీసీ, టైటాన్ షేర్లు ప్రధానంగా లాభాల్లో ఉన్నాయి.

భారతీ ఎయిర్​టెల్, టీసీఎస్​, హెచ్​యూఎల్​, ఇన్ఫోసిస్ షేర్లు నష్టాల్లో ట్రేడవుతున్నాయి.

ఆసియా మార్కెట్లు

నిక్కీ, హాంగ్​సెంగ్​, కోస్పీ, షాంఘై సూచీలు లాభాల్లో కొనసాగుతున్నాయి. 

09:44 June 03

09:26 June 03

కొనసాగుతున్న దూకుడు

దేశీయ స్టాక్ మార్కెట్లు బుధవారం భారీ లాభాలతో ప్రారంభమయ్యాయి. బొంబాయి స్టాక్ ఎక్స్ఛేంజి సూచీ- సెన్సెక్స్​ 510 పాయింట్లకుపైగా లాభంతో 34,336 వద్ద ట్రేడవుతోంది. జాతీయ స్టాక్ ఎక్స్ఛేంజి సూచీ- నిఫ్టీ దాదాపు 160 పాయింట్ల వృద్ధితో తిరిగి 10,133 వద్ద కొనసాగుతోంది.