బ్యాంకింగ్,ఐటీ, లోహ రంగాల్లో అమ్మకాల ఒత్తిడితో స్టాక్మార్కెట్లు భారీ నష్టాల్లో ముగిశాయి. విదేశీ నిధుల ఉపసంహరణ, త్రైమాసిక ఫలితాల్లో తగ్గుదల మార్కెట్ సెంటిమెంట్ను దెబ్బతీశాయి.
ఒక దశలో బొంబాయి స్టాక్ ఎక్స్చేంజి సూచీ- సెన్సెక్స్ 37 వేల మార్కును కోల్పోయింది. మార్చి 14 తరువాత ఇలా జరగడం ఇదే తొలిసారి. సెషన్ చివరికి 463 పాయింట్ల నష్టంతో 37 వేల 18 వద్ద ట్రేడింగ్ ముగించింది.
జాతీయ స్టాక్ ఎక్స్చేంజి సూచీ- నిఫ్టీ 11 వేల మార్కు దిగువకు పడిపోయింది. సెషన్ ముగిసే సరికి 138 పాయింట్లు క్షీణించి.. 10 వేల 980 వద్ద స్థిరపడింది.
లాభనష్టాల్లోనివివే....
వేదాంత, టాటా మోటర్స్, ఎస్బీఐ, భారతీ ఎయిర్టెల్, ఇన్ఫోసిస్ నష్టాలపాలయ్యాయి. 4.5 శాతంపైగా కోల్పోయాయి. మారుతీ, పవర్గ్రిడ్, రిలయన్స్, బజాజ్ ఆటో, హీరో మోటోకార్ప్, హెచ్యూఎల్, ఎన్టీపీసీ (1.86 శాతం) లాభాలను నమోదు చేశాయి.
సెంటిమెంట్ను దెబ్బతీశాయి..
చమురు సంబంధిత రంగాలు, సిమెంట్ రంగాల్లో మందగమనం, జూన్లో ఎనిమిది ప్రధాన పరిశ్రమల వృద్ధి 0.2 శాతానికి పడిపోయినట్లు కేంద్ర గణాంకాలు వెల్లడించడం వల్ల పెట్టుబడిదారులు డీలాపడ్డారు. జులైలో వాహన తయారీ రంగం కూడా నిరాశపూరిత ఫలితాలను నమోదుచేసింది.