స్టాక్ మార్కెట్లు వారాంతపు సెషన్లో భారీగా పతనమవుతున్నాయి. బీఎస్ఈ-సెన్సెక్స్ రికార్డు స్థాయిలో దాదాపు 1,680 పాయింట్లు కోల్పోయి 49,360 వద్ద ట్రేడవుతోంది. ఎన్ఎస్ఈ- నిప్టీ 480 పాయింట్లకుపైగా నష్టంతో 14,612 వద్ద కొనసాగుతోంది.
అంతర్జాతీయ మార్కెట్లు భారీగా పతనమైన నేపథ్యంలో ఆ ప్రభావం దేశీయ మార్కెట్లపైనా కనిపిస్తోంది. శుక్రవారమే కేంద్ర గణాంక కార్యాలయం 2020-21 క్యూ3 జీడీపీ గణాంకాలు విడుదల చేయనున్న నేపథ్యంలో మదుపరులు ఆచితూచి వ్యవహరిస్తున్నారు. దీనికి తోడు బ్యాంకింగ్ షేర్లు తీవ్ర అమ్మకాల ఒత్తిడి ఎదుర్కొంటుంటడం ఈ స్థాయి నష్టాలకు కారణమని విశ్లేషకులు చెబుతున్నారు.