స్టాక్ మార్కెట్లు వరుసగా రెండో రోజూ లాభాలతో ముగిశాయి. బొంబాయి స్టాక్ ఎక్స్చేంజి సూచీ-సెన్సెక్స్ 371 పాయింట్లు బలపడి 32,114 వద్ద స్థిరపడింది. జాతీయ స్టాక్ ఎక్స్చేంజి సూచీ నిఫ్టీ 99 పాయింట్లు పెరిగి 9,381 వద్దకు చేరింది.
నేటి సెషన్ ప్రారంభమైన కొద్దిసేపటికే అమ్మకాల ఒత్తిడిని ఎదుర్కొన్న సూచీలు.. ఒక దశలో భారీ నష్టాలనూ నమోదు చేశాయి. అయితే ఒత్తిడిలోనూ ఆర్థిక రంగ షేర్లు సానుకూలంగా స్పందించి నేటి లాభాలకు దన్నుగా నిలిచాయి.
అమెరికాలో పలు రాష్ట్రాలు క్రమంగా లాక్డౌన్ ఎత్తివేసేందుకు సిద్ధమవుతుండటం.. మదుపర్లపై సానుకూల ప్రభావం చూపింది. ఈ అంశం కూడా నేటి లాభాలకు కలిసొచ్చినట్లు విశ్లేషకులు చెబుతున్నారు.
ఇంట్రాడే సాగిందిలా..
సెన్సెక్స్ 32,164 పాయింట్ల అత్యధిక స్థాయి, 31,661 పాయింట్ల అత్యల్ప స్థాయిలను నమోదు చేసింది.
నిఫ్టీ 9,402 పాయింట్ల గరిష్ఠ స్థాయి, 9,260 పాయింట్ల కనిష్ఠ స్థాయిల మధ్య కదలాడింది.