భారీ ఒడుదొడుకుల నడుమ.. స్టాక్ మార్కెట్లు బుధవారం లాభాలతో ముగిశాయి. బీఎస్ఈ-సెన్సెక్స్ 163 పాయింట్లు బలపడి.. 40,707 వద్ద స్థిరపడింది. ఎన్ఎస్ఈ-నిఫ్టీ 41 పాయింట్ల వృద్ధితో11,938 వద్దకు చేరింది.
అధ్యక్ష ఎన్నికలకు ముందే మరో ఉద్దీపన ప్యాకేజీ ఉండొచ్చన్న వార్తలతో అమెరికా మార్కెట్లు మంగళవారం లాభాలను గడించాయి. ఈ నేపథ్యంలో దేశీయ సూచీలు ఆరంభంలో భారీగా పుంజుకున్నాయి. అయితే మిడ్ సెషన్ తర్వాత మదుపరులు లాభాల స్వీకరణకు దిగటం వల్ల.. ఓ దశలో భారీ నష్టాలను కూడా చవి చూశాయి సూచీలు. చివరకు విద్యుత్, బ్యాంకింగ్ షేర్ల దన్నుతో లాభాలతో సెషన్ను ముగించాయి.
ఇంట్రాడే సాగిందిలా..
సెన్సెక్స్ 40,976 పాయింట్ల అత్యధిక స్థాయి, 40,150 పాయింట్ల అత్యల్ప స్థాయిలను నమోదు చేసింది.
నిఫ్టీ 12,019 పాయింట్ల గరిష్ఠ స్థాయి, 11,776 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
పవర్గ్రిడ్, భారతీ ఎయిర్టెల్, టాటా స్టీల్, ఎన్టీపీసీ, హెచ్డీఎఫ్సీ బ్యాంక్ షేర్లు లాభాల్లో ప్రధానంగా ఉన్నాయి.