వారాంతంలో స్టాక్ మార్కెట్లు ఆకట్టుకున్నాయి. నూతన రికార్డుల దిశగా పరుగులు తీశాయి. బొంబాయి స్టాక్ ఎక్స్చేంజి సూచీ-సెన్సెక్స్ 269.43 పాయింట్లు ఎగబాకింది. మార్కెట్లు ముగిసే సమయానికి 38,024.32 వద్ద స్థిర పడింది.
జాతీయ స్టాక్ ఎక్స్చేంజి సూచీ-నిఫ్టీ 83.60 పాయింట్ల లాభంతో 11,426.85 వద్ద ముగిసింది.
ఇదీ కారణం
లోక్సభ ఎన్నికల ఫలితాలపై వెలువడుతున్న అంచనాలతో స్టాక్మార్కెట్లు లాభపడ్డాయి. దీంతో ఆర్థిక, విద్యత్ ఉత్పాదక, సాంకేతిక రంగాల్లో భారీగా కొనుగోళ్లు నమోదయ్యాయి. ఓ దశలో సూచీలు భారీ లాభాలను నమోదు చేశాయి.
ఇంట్రాడే తీరిది..
| సూచీ | గరిష్ఠం | కనిష్ఠం |
| సెన్సెక్స్ | 38,254.77 | 37,760.23 |
| నిఫ్టీ | 11,487 | 11,370.80 |
లాభానష్టాల్లోనివివే...
నేటి ట్రేడింగ్లో కొటక్ మహీంద్రా బ్యాంకు 4.31 శాతం, ఓఎన్జీసీ 2.84, పవర్గ్రిడ్ 2.61, టీసీఎస్ 2.59, ఎన్టీపీసీ 2.50, ఎస్బీఐ 2.25 శాతం లాభాలను నమోదు చేశాయి.
హిందూస్థాన్ యునిలీవర్ అత్యధికంగా 2.23 శాతం నష్టపోయింది. యెస్ బ్యాంకు 1.92 శాతం, భారతీ ఎయిర్టెల్ 1.71, ఐటీసీ 1.52, రిలయన్స్ 1.39, యాక్సిస్ బ్యాంకు 0.64 శాతం నష్టపోయాయి.
30 షేర్ల ఇండెక్స్లో 20 లాభాల్లో ముగియగా 10 షేర్లు నష్టాలను నమోదు చేశాయి.
