రియల్​మీ ఎక్స్​2 ప్రో స్మార్ట్​ఫోన్​ ఇక మరింత చౌక!

రియల్​మీ త్వరలో ఎక్స్2 ప్రో 6జీబీ+64జీబీ వేరియంట్​ను భారత మార్కెట్​లో విడుదల చేయనున్నట్లు ప్రకటించింది. ఇప్పటికే మార్కెట్​లో ఉన్న రియల్​మీ ఎక్స్​ 2 ప్రో కన్నా ఇది తక్కువ ధరకే లభించనుంది.

ఎక్స్​2 ప్రో... స్మార్ట్​ఫోన్ల దిగ్గజం రియల్​మీ నుంచి వచ్చిన కొత్త మోడల్​. అదిరే ఫీచర్లతో ఇటీవలే మార్కెట్​లోకి వచ్చింది. ధర రూ.29,999. స్పెసిఫికేషన్స్​ బాగున్నా ఖరీదు కాస్త ఎక్కువని అనుకునేవారికి తాజాగా శుభవార్త చెప్పింది రియల్​మీ. తక్కువ ధరకే ఎక్స్​2 ప్రో 6జీబీ/64జీబీ వేరియంట్​ను త్వరలోనే విడుదల చేయనున్నట్లు ప్రకటించింది.

రియల్​మీ ఎక్స్​2 ప్రో స్పెషిఫికేషన్స్​

• క్వాల్కమ్​ స్నాప్​ డ్రాగన్​ 855 ఎస్​ఏసీ
• 8జీబీ ర్యామ్​, 128 జీబీ స్టోరేజీ
• 6.5 అంగుళాల ఎఫ్​హెచ్​డీ+ (2400X1080 పిక్సెల్స్) సూపర్​ అమోలెడ్​
• కార్నింగ్ గొరిల్లా గ్లాస్ ప్రొటెక్షన్​
• 90 హెర్జ్​​ డిస్​ప్లే, వాటర్​ డ్రాప్​ నాచ్​

కెమెరా ప్రత్యేకతలు

• 64 ఎమ్​పీ సెన్సార్​తో పాటు 8 ఎమ్​పీ అల్ట్రా వైడ్​ కెమెరా
• 2ఎమ్​పీ డెప్త్​ సెన్సార్​, 13 ఎమ్​పీ టెలిఫొటో సెన్సార్​
• 16 ఎంపీ సెల్ఫీ కెమెరా

ఎక్స్​2 ప్రో 6జీబీ/64జీబీ వేరియంట్​లో కెమెరాకు సంబంధించి రియల్​మీ ఎలాంటి మార్పులు చేస్తుందో వేచిచూడాలి.

ఎక్స్​2 ప్రో మాస్టర్ ఎడిషన్

రియల్​మీ ఎక్స్​ 2 ప్రో మాస్టర్ ఎడిషన్​ 12 జీబీ+256 జీబీ వేరియంట్ మంగళవారమే మార్కెట్​లోకి వచ్చింది. ఇది పూర్తిగా భిన్నమైన డిజైన్​తో ప్రీమియం లుక్​తో ఆకట్టుకుంటోంది. కాంక్రీట్​, రెడ్ బ్రిక్​ అనే రెండు కలర్ వేరియంట్లలో లభిస్తోంది. ఫోన్ వెనుక భాగం మ్యాట్​ ఫినిష్​​తో ఉంది. మాస్టర్​ ఎడిషన్​ ధర రూ.34,999.
ఈ స్మార్ట్​ ఫోన్​ నిన్నటి నుంచి ఫ్లిప్​కార్ట్​, రియల్​మీ వెబ్​సైట్​ల్లో అందుబాటులోకి వచ్చింది. జియో చందాదారులకు సుమారుగా రూ.11,500 వరకు ప్రత్యేక తగ్గింపు లభిస్తోంది.

ఇదీ చూడండి: ముకేశ్‌కు కలిసొచ్చిన 2019.. భారీగా పెరిగిన సంపద