ఈ వృద్ధి రేటు ఎలా సాధ్యం? దేశ వృద్ధి రేటు 7 శాతం పెరిగిందనే లెక్కలపై ఆర్బీఐ మాజీ గవర్నర్ రఘురామ్ రాజన్ అనుమానం వ్యక్తం చేశారు. ఉద్యోగాల సృష్టి తక్కువగా ఉన్న ఈ సమయంలో ఇది ఎలా సాధ్యమనే సందేహాన్ని వెలిబుచ్చారు. జీడీపీ అంకెలపై కమ్ముకున్న మేఘాలు తొలగిపోవాలంటే సమాచారాన్ని విశ్లేషించటానికి ఒక నిష్పాక్షిక కమిటీ ఏర్పాటు చేయాలని ఆయన సూచించారు. ప్రస్తుత గణాంకాలు-వృద్ధి రేటు సరిపోలటం లేదన్న ఆయన కచ్చితమైన జీడీపీ లెక్కల కోసం మళ్లీ గణన చేపట్టాల్సిందేనని స్పష్టం చేశారు.
ఉద్యోగ సృష్టి లేనిదే ఆర్థిక రంగం 7-8 శాతం వృద్ధి సాధించడం అసాధ్యమని కేంద్ర మంత్రి అరుణ్ జైట్లీ ఇటీవల అన్నారు. ఈ మాటలను ఉద్దేశించి రాజన్ తాజా వ్యాఖ్యలు చేశారు.
అప్పుడు ప్రారంభమైంది గొడవ:
2018 నవంబర్లో కేంద్ర గణాంక సంస్థ యూపీఏ హయాంలో నమోదైన జీడీపీ వృద్ధి అంచనాలు తగ్గించింది. అప్పటి నుంచి వరుసగా నాలుగేళ్లు అంటే 2014 నుంచి జీడీపీ సగటు వృద్ధి యూపీఏ హయాంలో నమోదైన దాని కంటే ఎక్కువగా నమోదవుతుంది.
