ట్రంప్​ ఎఫెక్ట్​: వరుసగా ఐదో రోజు పెరిగిన పెట్రోల్​ ధరలు

పశ్చిమాసియాలో నెలకొన్న ఉద్రిక్త పరిస్థితుల నేపథ్యంలో దేశంలో ఇంధన ధరల్లో వరుసగా ఐదో రోజూ పెరుగుదల నమోదైంది. దిల్లీలో నేడు లీటర్​ పెట్రోల్ ధర 15 పైసలు పెరిగి రూ.75.69కి చేరింది. డీజిల్ లీటర్​ ధర 17 పైసలు పెరిగింది.

అగ్రరాజ్యం అమెరికా, చమురు ఉత్పత్తి ప్రధాన దేశాలలో ఒకటైన ఇరాన్​ల మధ్య నెలకొన్న ఉద్రిక్తతల నేపథ్యంలో దేశంలో ఇంధన ధరలు వరుసగా ఐదో రోజూ పెరిగాయి. దిల్లీలో లీటర్​ పెట్రోల్ ధర 15 పైసలు పెరిగి రూ.75.69కి చేరింది. 2018 నవంబర్ తర్వాత ఇదే అత్యధికం. డీజిల్ ధర 17 పైసలు పెరిగి రూ.68.68కి చేరుకుంది. ఇరాక్​పైనా కఠిన ఆంక్షలు విధిస్తామని అమెరికా అధ్యక్షుడు ప్రకటించటమూ ధరల పెరుగుదలకు ఆజ్యం పోసింది.

ఇరాన్ జనరల్​ కమాండర్​ ఖాసిం సులేమానీని అమెరికా హతమార్చిన నేపథ్యంలో ఇంధన ధరలకు రెక్కలొచ్చాయి. భారత్​కు అతిపెద్ద ముడిచమురు సరఫరాదారుగా ఉన్న ఇరాన్​లో నెలకొన్న ఉద్రిక్తతలు ఇంధన ధరలపై అధిక ప్రభావం చూపుతున్నాయి.

2 శాతం పెరిగిన ముడి చమురు ధర

ముడి చమురు ధరల్లో సైతం భారీగా పెరుగుదల నమోదైంది. బ్యారెల్​ ధర దాదాపు 2 శాతం పెరిగి 69.81 అమెరికన్ డాలర్లకు చేరింది.

ఇదీ చదవండి: డిసెంబర్​లో పుంజుకున్న సేవా రంగ కార్యకలాపాలు