రూ.20 లక్షల విత్‌డ్రాకే అనుమతి

నల్ల ధనాన్ని కట్టడి చేయడానికి ఆదాయ పన్ను(ఐటీ) విభాగం కీలక నిర్ణయం తీసుకుంది. కంపెనీలు దాఖలు చేసే ఆదాయ పన్ను రిటర్నుల పరిస్థితిని వాణిజ్య బ్యాంకులు తనిఖీ చేసుకునే వెసులుబాటును ఐటీ విభాగం ఆవిష్కరించింది. నగదు విత్​డ్రా పరిమితిని సైతం రూ. 20 లక్షలకే పరిమితం చేసింది.

కంపెనీలు దాఖలు చేసే ఆదాయ పన్ను రిటర్నుల పరిస్థితిని వాణిజ్య బ్యాంకులు తనిఖీ చేసుకునే వెసులుబాటును ఆదాయ పన్ను(ఐటీ) విభాగం ఆవిష్కరించింది. సంస్థల శాశ్వత ఖాతా సంఖ్య(పాన్‌) ద్వారా ఆ వివరాలు పొందొచ్చు. ఎపుడూ ఆదాయ పన్ను రిటర్నులు దాఖలు చేయని వారు కూడా భారీ మొత్తంలో నగదును విత్‌డ్రా చేసుకుంటున్నట్లు వచ్చిన గణాంకాల నేపథ్యంలో నల్ల ధనాన్ని కట్టడి చేయడానికి ఐటీ విభాగం ఈ నిర్ణయం తీసుకుంది.

అంతే కాకుండా.. ఆర్థిక చట్టం 2020, సవరించిన ఐటీ చట్టం- 1961 ప్రకారం.. చేయని వ్యక్తుల నగదు విత్‌డ్రా పరిమితిని సైతం రూ.20 లక్షలకే పరిమితం చేసింది. అదే సమయంలో ఫైలింగ్‌ చేయని వ్యక్తులు రూ.కోటి కంటే ఎక్కువ నగదు ఉపసంహరణలు చేస్తే 5 శాతం టీడీఎస్‌(మూలం వద్ద పన్ను మినహాయింపు)ను విధించనున్నట్లూ తెలిపింది.