వినియోగదారులకు మరింత చేరువయ్యేందుకు సరికొత్త ఆఫర్ను తీసుకొచ్చింది ప్రముఖ ఓటీటీ సంస్థ నెట్ఫ్లిక్స్. ప్రపంచవ్యాప్తంగా ఉన్న తమ ఆండ్రాయిడ్ యూజర్లంతా బుధవారం నుంచి నెట్ఫ్లిక్స్లో 5 మొబైల్ గేమ్స్ ఉచితంగా ఆడవచ్చని తెలిపింది. ఓటీటీ ప్లాట్ఫామ్స్లో పోటీ విపరీతంగా పెరుగుతున్న నేపథ్యంలో వినియోగదారులను ఆకర్షించేందుకు ఈ నిర్ణయం తీసుకుంది. ఈ మేరకు సంస్థ బ్లాగ్ పోస్టులో తెలిపింది.
ఆండ్రాయిట్ యూజర్లకు నెట్ఫ్లిక్స్ ఫ్రీగా అందిస్తున్న 5 మొబైల్ గేమ్స్
- స్ట్రేంజర్ థింగ్స్: 1984(బోనస్ ఎక్స్పీ)
- స్ట్రేంజర్ థింగ్స్ 3: ది గేమ్(బోనస్ ఎక్స్పీ)
- షూటింగ్ హూప్స్(ఫ్రోస్టీ పాప్)
- కార్డ్ బ్లాస్ట్( అమ్యుజో & రోగ్ గేమ్స్)
- టీటర్ అప్(ఫ్రోస్టీ పాప్)
నెట్ఫ్లిక్స్ సబ్స్క్రిప్షన్ ఉన్న ఆండ్రాయిడ్ యూజర్లంతా ఈ గేమ్స్ డౌన్లోడ్ చేసుకుని ఆడవచ్చు. అదనపు రుసుం లేదు. ఎలాంటి ప్రకటనలూ ఉండవు. నెట్ఫ్లిక్స్లోకి లాగిన్ అయ్యాక గేమ్స్ కోసం ప్రత్యేక ట్యాబ్ కనిపిస్తుంది. మీకు నచ్చిన గేమ్ సెలక్ట్ చేసి డౌన్లోడ్ చేసుకున్న తర్వాత ఆడుకోవచ్చు.
ఈ గేమ్స్ చాలా భాషల్లో అందుబాటులో ఉన్నట్లు నెట్ఫ్లిక్స్ తెలిపింది. ప్రొఫైల్లో యూజర్ సెట్ చేసుకున్న ఆప్షన్ను బట్టి గేమ్ భాష కూడా ఆటోమేటిక్గా లోడ్ అవుతుందని పేర్కొంది. లాంగ్వేజ్ సెట్ చేసుకోని యూజర్లకు గేమ్స్ డీఫాల్ట్గా ఇంగ్లోష్లోనే వస్తాయని చెప్పింది. కిడ్స్ ప్రొఫైల్స్కు ఈ గేమ్స్ అందుబాటులో ఉండవని వివరించింది.
ఇదీ చదవండి:దీపావళికి జియో కొత్త స్మార్ట్ఫోన్ రిలీజ్- ఎప్పుడు, ఎక్కడ, ఎలా కొనాలి?
