కొరియా ఆటో మొబైల్ దిగ్గజం హుందాయి దాని అనుబంధ సంస్థ కియా మోటర్స్ ఎలక్ట్రానిక్ వాహనాల అభివృద్ధి కోసం ఓలా సంస్థలో 3 వందల మిలియన్ డాలర్ల పెట్టుబడులు పెట్టనున్నాయి.
భారత్లో ఎలక్ట్రానిక్ వాహనాల అభివృద్ధితో పాటు, ఛార్జింగ్ స్టేషన్ల ఏర్పాటుకు ఈ నిధులు వినియోగించనున్నట్లు ఈ మూడు సంస్థలు ప్రకటించాయి.
ఈ ఒప్పందం ద్వారా వాహనాల తయారీతో పాటు వాటి నిర్వహణ, వినియోగం సులభతరం అవుతాయని హుందాయి పేర్కొంది.
ఒకసారి ఎలక్ట్రానిక్ కార్ల తయారీ పూర్తయితే వీటిని ఈ మూడు సంస్థల భాగస్వామ్యంతో ఓలా డ్రైవర్లకు వాయిదాల పద్ధతిలో అందించనున్నాయి.
ప్రయాణికుల అవసరాల మేరకు కార్లలో మార్పులు చేయడానికి ఈ మూడు సంస్థలు మరో అవగాహన ఒప్పందం కుదుర్చుకున్నాయి.
