శరీరంలోని యాంటీబాడీలను నిర్ధరణ చేసుకునేందుకు ఉపకరించే కిట్ను భారత రక్షణ పరిశోధన సంస్థ(డీఆర్డీఓ) రూపొందించింది. కరోనా యాంటీబాడీ డిటెక్షన్ 'డిప్కోవాన్'గా పిలిచే ఈ కిట్.. 97శాతం కచ్చితత్వంతో, 99శాతం కరోనా వైరస్ ప్రోటీన్లను గుర్తించగలదని డీఆర్డీఓ పేర్కొంది.
ఈ కిట్ జీవితకాలం 18 నెలలని , కేవలం 75నిమిషాల్లోనే ఫలితాన్ని తెలుసుకోవచ్చని స్పష్టం చేసింది డీఆర్డీఓ.
దిల్లీకి చెందిన వాన్‌గార్డ్ డయాగ్నస్టిక్స్ ప్రైవేట్ లిమిటెడ్ సహకారంతో అభివృద్ధి చేసిన ఈ కిట్ ఉత్పత్తిని జూన్ మొదటి వారంలో ప్రారంభించనున్నారు. ఒక్కో కిట్ ధర సుమారు రూ.75 ఉండొచ్చని అంచనా.