4 కోట్లకుపైగా ఉద్యోగాలు హాంఫట్..!

కృత్రిమ మేథ మాత్రమే కాదు డిజిటల్​ సాంకేతికత సైతం ఉద్యోగాలపై ప్రభావం చూపనుందని ఓ సర్వే పేర్కొంది. రానున్న కాలంలో డిజిటల్​ సాంకేతికతను వినియోగిస్తోన్న కంపెనీల జీడీపీ రెట్టింపు కానుందని సర్వే వెల్లడించింది.

మొన్నటి వరకు కృత్రిమ మేథతో ఉద్యోగాలు కోల్పోతామని వివిధ సర్వేలు వెల్లడించాయి. ఇప్పుడు ఆ జాబితాలో డిజిటల్​ సాంకేతికత చేరింది. 2025 నాటికి నాలుగున్నర కోట్ల ఉద్యోగాలపై డిజిటల్​ సాంకేతికత ప్రభావం చూపే అవకాశముందని ఓ నివేదిక హెచ్చరించింది.

ఇదే సమయంలో ఆరున్నర కోట్ల కొత్త ఉద్యోగాల సృష్టి జరగనుందని ఆ నివేదికే పేర్కొంది. మెకిన్స్​ గ్లోబల్​ అనే సంస్థ ఈ సర్వేను నిర్వహించింది. ప్రస్తుతం డిజిటల్​ సాంకేతికతను అందిపుచ్చుకున్న ఐటీ, వ్యాపార సంస్థలు, డిజిటల్​ కమ్యూనికేషన్, ఎలక్ట్రానిక్​ రంగాలు 2025 నాటికి తమ జీడీపీని రెట్టింపు చేసుకుంటాయని నివేదిక పేర్కొంది.

డిజిటల్​ సాంకేతికతను అభివృద్ధి పరచడానికి ప్రభుత్వాలు ఖర్చు చేయాల్సిన అవసరం ఉందని నివేదిక తెలిపింది.