మరోరెండు రోజుల్లో హైదరాబాద్ వేదికగా బయో ఆసియా 17వ ఎడిషన్ సదస్సు ప్రారంభం కానుంది. తెలంగాణ ప్రభుత్వం ఆతిథ్యం ఇవ్వనున్న ఈ సదస్సు ఈనెల 17న ప్రారంభమై మూడు రోజుల పాటు కొనసాగనుంది. ఫార్మా, లైఫ్ సైన్సెస్ రంగంలోని పరిశోధకులు, తయారీదారులు, పెట్టుబడిదారులు, రాజకీయప్రముఖులు అందరినీ ఒక్కతాటిపైకి తీసుకురావటం ఈ సదస్సు ఉద్దేశం.
లైఫ్ సైన్సెస్ రంగంలో పెట్టుబడులను, గ్లోబల్ లీడర్స్ను ఈ సదస్సు రాష్ట్రానికి తీసుకువస్తుందని పరిశ్రమలు, ఐటీ శాఖ మత్రి కేటీఆర్ ఆశాభావం వ్యక్తం చేశారు. సదస్సులో భాగంగా లైఫ్ సైన్సెస్, ఫార్మా రంగం, డిజిటల్ హెల్త్, ఆరోగ్య రంగంలో నూతన ఆవిష్కరణలపై ఫలవంతమైన చర్చలు జరగనున్నాయి.