ఈ నాలుగు రంగాల్లో నైపుణ్యముంటే ఉద్యోగం మీదే

భారత్‌ హైరింగ్‌ ఇంటెంట్‌-2020 పేరిట దేశవ్యాప్తంగా వివిధ పరిశ్రమల ఉన్నతాధికారులతో నిర్వహించిన సర్వేలో పలు ఆసక్తికర అంశాలు తెరపైకి వచ్చాయి. వచ్చే ఏడాది ఈ-కామర్స్, బ్యాంకింగ్-ఆర్థిక సేవలు-బీమా రంగాలు ఎక్కువ మంది ఉద్యోగులను నియమించుకోనున్నట్లు దీని ద్వారా తెలుస్తోంది. పరిశ్రమలను సమర్థంగా నడపాలంటే వచ్చే అయిదేళ్లలో ఉద్యోగులకు నాలుగు రంగాల్లో నైపుణ్యం అవసరమని పరిశ్రమ వర్గాలు స్పష్టం చేస్తున్నాయి.

వినియోగదారులను ఆకర్షిస్తూ... తమ పరిశ్రమలను మరింత సమర్ధంగా నడపాలంటే వచ్చే అయిదేళ్లలో ఉద్యోగులకు నాలుగు రంగాల్లో నైపుణ్యం అవసరమని పరిశ్రమ వర్గాలు సృష్టం చేస్తున్నాయి. డేటా సైన్స్‌, డిజిటల్‌ మార్కెటింగ్‌ తదితర రంగాల్లో నైపుణ్యం తప్పనిసరని స్పష్టం చేస్తున్నాయి. భారత నైపుణ్య నివేదికలో భాగంగా భారత్‌ హైరింగ్‌ ఇంటెంట్‌-2020 పేరిట దేశవ్యాప్తంగా వివిధ పరిశ్రమల ఉన్నతాధికారులతో నిర్వహించిన సర్వేలో పలు ఆసక్తికర అంశాలు తెరపైకి వచ్చాయి.

బ్యాంకులు రోబోలను సమకూర్చుకుంటున్నాయని, చాట్‌బూట్స్‌ వాడుతున్నాయని, ఫార్మా, వైద్య రంగాలు కృత్రిమ మేధపై దృష్టి పెట్టడంతో పరిశ్రమల్లో పనితీరు మారుతోందని ఆ వర్గాలు భావిస్తున్నాయి. వచ్చే ఏడాది (2020) అత్యధికంగా ఈ-కామర్స్‌, బ్యాంకింగ్‌-ఆర్థిక సేవలు-బీమా రంగాలు (బీఎఫ్‌ఎస్‌ఐ) ఎక్కువ మంది ఉద్యోగులను నియమించుకోనున్నాయి. ఈ-కామర్స్‌లో 55-60 శాతం, బీఎఫ్‌ఎస్‌ఐలో 30-35 శాతం నియామకాలు పెరుగుతాయని పరిశ్రమల వర్గాలు అంచనా వేశాయి. ఒక్క స్విగ్గీ కంపెనీనే మరో మూడు లక్షల మంది ఉద్యోగులను పెంచుకోవాలని లక్ష్యంగా పెట్టుకుందని ఆ వర్గాలు ప్రస్తావిస్తున్నాయి. ఐటీ, ఐటీఈఎస్‌, బీపీవో రంగాల్లోనూ కొలువుల వృద్ధి ఉంటుందని విశ్వవిస్తున్నారు.

వచ్చే అయిదేళ్లలో నైపుణ్యం అవసరమయ్యే రంగాలివే

* డేటా సైన్స్‌ అండ్‌ అనాలసిస్‌
* డిజిటల్‌ మార్కెటింగ్‌
* రోబోటిక్స్‌ ప్రాసెస్‌ ఆటోమేషన్‌
* హ్యూమన్‌ సెంటర్డ్‌ డిజైన్‌ (కృత్రిమ మేధ తదితర)

కొలువుకు ప్రాధాన్యమిచ్చే నైపుణ్యాలు

* సానుకూల దృకృథం
* కాలానికి అనుగుణంగా మార్పు ( అడాప్టబిలిటీ)
* నేర్చుకునే సామర్థ్యం
* తన రంగంలో నిపుణత (డొమైన్‌ ఎక్స్‌పర్టైజ్‌)
* ఇంటర్‌పర్సనల్‌ నైపుణ్యాలు

2020లో నియామకాలు

అధ్యయనంలో ముఖ్యాంశాలు

* ఫ్రెషర్స్‌కు డిమాండ్‌ తగ్గుతోంది. 2019 సర్వేలో 19 శాతం ఫ్రెషర్స్‌ను కోరుకోగా...ఈసారి అది 15 శాతానికి తగ్గింది. సాంకేతికత మారుతుండటంతో కనీసం అయిదేళ్ల అనుభవం ఉన్న వారు కావాలని 41 శాతం మంది కోరుకుంటున్నారు.

* అత్యధికంగా 31 శాతం ఇంజినీర్లను నియమించుకోవాలని భావిస్తున్నారు. గత సర్వే కంటే ఇది 10 శాతం అధికం. ఆ తర్వాత బీసీఏ, బీబీఏ, బీకాం, బీఎస్సీ (25 శాతం) విద్యార్హత కలిగిన వారిని నియమించుకోవడానికి ఆసక్తి చూపారు. ఎంబీఏ విద్యార్థులకు కూడా డిమాండ్‌ పెరుగుతోంది.

* ప్రాంగణ నియామకాలు కేవలం 11 శాతమే. జాబ్‌ పోర్టల్స్‌ ద్వారా అత్యధికంగా 21 శాతం మందిని నియమించుకోనున్నారు. 2019లో 8 శాతం మందిని వృత్తిపరమైన నెట్‌వర్కింగ్‌, సామాజిక మాధ్యమం ద్వారా నియమించుకుంటామని చెప్పగా...2020లో అది 15 శాతానికి పెరగనుంది.

వివిధ రంగాల్లో పురుషులు, మహిళలు శాతాల్లో..

పురుషులు, మహిళల నిష్పత్తి