నరేంద్ర మోదీ 2.0 ప్రభుత్వం బడ్జెట్ ప్రవేశపెట్టిన తర్వాత వరుసగా రెండో సెషన్లోనూ స్టాక్మార్కెట్లు భారీగా నష్టపోయాయి. గత సెషన్లో 395 పాయింట్లు తగ్గిన బొంబాయి స్టాక్ ఎక్స్చేంజి సూచీ- సెన్సెక్స్ నేడు 793 పాయింట్లు కోల్పోయింది. 38 వేల 721 వద్ద స్థిరపడింది. జాతీయ స్టాక్ ఎక్స్చేంజి సూచీ-నిఫ్టీ... 253 పాయింట్లు తగ్గి 11 వేల 559 వద్ద ముగిసింది.
2019లో దేశీయ మార్కెట్లు ఒకే రోజున ఈ స్థాయిలో నష్టపోవడం ఇదే తొలిసారి.
ఇవీ కారణాలు...
అధిక ఆదాయం కలిగిన వారిపై సర్ఛార్జిని పెంచుతూ బడ్జెట్లో కీలక ప్రకటన చేసింది కేంద్రం. విదేశీ మదుపర్లు, సంపన్నులపై పన్ను భారం పెంచే ఈ నిర్ణయం మదుపర్లను తీవ్ర నిరాశకు గురిచేసింది.
అమెరికాలో ఉద్యోగ గణాంకాలు మెరుగైన నేపథ్యంలో ఫెడరల్ రిజర్వ్ వడ్డీ రేట్లను భారీగా తగ్గిస్తుందన్న అంచనాలు ప్రతికూల ప్రభావం చూపాయి.