జనవరిలో 10 అదిరిపోయే స్మార్ట్​ఫోన్లు విడుదల!

స్మార్ట్​ఫోన్ల ప్రపంచంలో రోజూ ఏదో ఒక కొత్త ఆవిష్కరణ జరుగుతూనే ఉంది. కొత్త ఉత్పత్తులతో ఎప్పటికప్పుడు వినియోగదారులకు చేరువయ్యేందుకు సంస్థలు పోటీ పడుతున్నాయి. ఈ నేపథ్యంలో కొత్త సంవత్సరం ఆరంభంలోనే మార్కెట్​లోకి తమ నూతన స్మార్ట్​ఫోన్లను పరిచయం చేయడానికి సిద్ధమయ్యాయి. జనవరి నెలలో విడుదల కానున్న కొన్ని అద్భుతమైన స్మార్ట్​ఫోన్ల వివరాలు తెలుసుకోవాలంటే పూర్తి కథనం చదవాల్సిందే.

కొత్త ఏడాదిలో అద్భుతమైన స్మార్ట్​ఫోన్లను పరిచయం చేయడానికి అన్ని కంపెనీలు పోటీ పడుతున్నాయి. జనవరిలోనే చాలా వరకు కొత్త స్మార్ట్​ఫోన్లు భారత విపణిలోకి రానున్నాయి. కొన్ని సంస్థలు తమ ఉత్పత్తులను అమెరికా లాస్​వేగాస్​లో జరిగే కన్స్యూమర్​ ఎలక్ట్రానిక్​ షో(సీఈఎస్)-2020లో ప్రదర్శనకు పెట్టనున్నాయి. వీటన్నింటిలో కొన్ని ఉత్తమ స్మార్ట్​ఫోన్ల వివరాలు మీకోసం.

శాంసంగ్ గెలాక్సీ ఎస్​10 లైట్​, గెలాక్సీ నోట్​ 10 లైట్​

శాంసంగ్ గెలాక్సీ నోట్​ 10 లైట్

దక్షిణ కొరియా స్మార్ట్​ఫోన్ దిగ్గజం శాంసంగ్ ఈ జనవరిలో రెండు కొత్త ఫోన్లను మార్కెట్లోకి విడుదల చేయనుంది. గెలాక్సీ ఎస్​10, నోట్​ 10 లైనప్​ను మరింత ముందుకు తీసుకెళ్తూ... వాటిలో 'లైట్'​ వెర్షన్లను తీసుకొచ్చింది. ప్రస్తుతానికి వీటి ధరపై స్పష్టత లేదు.

శాంసంగ్ గెలాక్సీ ఎస్​10 లైట్ ఫీచర్లు

శాంసంగ్ గెలాక్సీ ఎస్​10 లైట్

• 6.7 అంగుళాల టచ్​ స్క్రీన్
• ​8 జీబీ ర్యామ్, 128జీబీ ఇంటర్నల్ స్టోరేజ్​
• స్నాప్​ డ్రాగన్ 855 చిప్​సెట్
• 32 మెగా పిక్సెల్ సెల్ఫీ కెమెరా
• వెనక వైపు మూడు కెమెరాలు(48ఎంపీ+12ఎంపీ+5ఎంపీ)
• 4,700 ఎంఏహెచ్ బ్యాటరీ సామర్థ్యం
• ఫాస్ట్​ ఛార్జింగ్​ సపోర్ట్​

గెలాక్సీ నోట్​ 10 లైట్​ ఫీచర్లు

• 6.7 అంగుళాల తెర
• 8జీబీ ర్యామ్, 128జీబీ ఇంటర్నల్ స్టోరేజ్
• 2400x1080 పిక్సెల్ హెచ్​డీ+ సూపర్ ఆమోలెడ్ ప్లస్ ఇన్ఫినిటీ-ఓ ఫ్లాట్ తెర
• ఎక్సినోస్​ 8895 చిప్​సెట్​
• 32 మెగా పిక్సెల్ సెల్ఫీ కెమెరా
• వెనక వైపు మూడు కెమెరాలు(12ఎంపీ+12ఎంపీ+12ఎంపీ)
• 4,500 ఎంఏహెచ్ బ్యాటరీ సామర్థ్యం
• 25 వాట్​ ఫాస్ట్​ ఛార్జీంగ్​

శాంసంగ్ గెలాక్సీ ఏ51, గెలాక్సీ ఏ71

శాంసంగ్ కంపెనీ ఈ ఫోన్లను గత నెలలో వియత్నాంలో విడుదల చేసింది. ఈ మధ్య శ్రేణి స్మార్ట్​ఫోన్లను ఈ నెలలోనే భారత్​లోకి విడుదల చేసేందుకు ప్రయత్నిస్తున్నట్లు సమాచారం.

శాంసంగ్ గెలాక్సీ ఏ51 ఫీచర్లు

• 6జీబీ ర్యామ్, 128 జీబీ ఇంటర్నల్ స్టోరేజ్
• 6.5 అంగుళాల టచ్​ స్క్రీన్
• ​ఎక్సినోస్​ 9611 చిప్​సెట్
• ​32 మెగా పిక్సెల్​ సెల్ఫీ కెమెరా
• వెనకవైపు నాలుగు కెమెరాలు(48ఎంపీ+12ఎంపీ+5ఎంపీ+5ఎంపీ)
• 4,000 ఎంఏహెచ్​ బ్యాటరీ
• 15 వాట్​ ఫాస్ట్ ఛార్జింగ్

శాంసంగ్ గెలాక్సీ ఏ71 ఫీచర్లు

• 8జీబీ ర్యామ్, 128జీబీ ఇంటర్నల్ స్టోరేజ్
• 6.5 అంగుళాల తాకే తెర
• స్నాప్​డ్రాగన్ 730 చిప్​సెట్
• 32 మెగా పిక్సెల్​ సెల్ఫీ కెమెరా
• వెనకవైపు నాలుగు కెమెరాలు(62ఎంపీ+12ఎంపీ+5ఎంపీ+5ఎంపీ)
• 4,500 ఎంఏహెచ్​ బ్యాటరీ
• 25 వాట్​ ఫాస్ట్ ఛార్జింగ్

వన్​ప్లస్ కాన్సెప్ట్ వన్​

సీఈఎస్​లో పాల్గొనడానికి వన్​ప్లస్​ ముందు నుంచే ప్రణాళికలు రచిస్తోంది. ఈ మేరకు కాన్సెప్ట్​ వన్​ను పరిచయం చేస్తూ డిసెంబర్​లోనే ప్రకటించింది. కాన్సెప్ట్​ వన్​ను స్మార్ట్​ఫోన్ల భవిష్యత్ కోసం ప్రత్యామ్నాయంగా అభివర్ణించింది. ఇటీవలే కెమెరా టీజర్​ను విడుదల చేసింది. ఇందులో ఇన్​విజిబుల్​ కెమెరా, రంగులు మార్చే గ్లాస్ సాంకేతికతలు ఉన్నట్లు తెలుస్తోంది. ఈ స్మార్ట్​ఫోన్​ ఫీచర్లపై మరో వారం రోజుల్లో స్పష్టత వచ్చే అవకాశం ఉంది.

షియోమీ మీ నోట్​ 10

షియోమీ మీ నోట్​ 10

ఈ ఏడాది విడుదల కానున్న స్మార్ట్​ఫోన్లలో అత్యధిక మంది దృష్టిని ఆకర్షిస్తున్నది మాత్రం షియోమీ సంస్థకు చెందిన మీ నోట్​ 10. స్పెయిన్​లో మీ సీసీ9 పేరుతో ఆవిష్కరించిన ఈ స్మార్ట్​ఫోన్​నే నోట్​ 10గా విడుదల చేస్తున్నట్లు తెలుస్తోంది. 108 మెగా పిక్సెల్​ కెమెరా సహా వెనకవైపు మొత్తం 5 కెమెరాలతో రంగప్రవేశం చేయనుంది ఈ స్మార్ట్​ఫోన్​. తాజా వార్తల ప్రకారం మీ నోట్​ 10 జనవరి 24వ తేదీన మార్కెట్లోకి రానున్నట్లు సమాచారం.

ఫీచర్లు

• 6.47 అంగుళాల తెర
• స్నాప్​డ్రాగన్ 730జీ చిప్​సెట్
• 8జీబీ ర్యామ్, 256జీబీ మెమోరీ
• వెనక వైపు ఐదు కెమెరాలు(108ఎంపీ,20ఎంపీ,5ఎంపీ,12ఎంపీ,2ఎంపీ)
• 32 మెగా పిక్సెల్​ సెల్ఫీ కెమెరా
• 5,260 ఎంఏహెచ్​ బ్యాటరీ సామర్థ్యం
• 30 వాట్​ ఫాస్ట్ ఛార్జింగ్ సదుపాయం

రియల్​మీ ఎక్స్​50 5జీ

ఈ స్మార్ట్​ ఫోన్ జనవరి 7న అధికారికంగా మార్కెట్లోకి విడుదల చేయనున్నట్లు సంస్థ ప్రకటించింది. ముందువైపు రెండు కెమెరాలు ఉండటం ఈ స్మార్ట్​ ఫోన్​ ప్రత్యేకత.

ఫీచర్లు

• 6.6 అంగుళాల తాకే తెర
• స్నాప్​డ్రాగన్ 765జీ చిప్​సెట్
• ​వెనక వైపు నాలుగు కెమెరాలు(64ఎంపీ,8ఎంపీ,2ఎంపీ,2ఎంపీ)
• రెండు సెల్ఫీ కెమెరాలు(32ఎంపీ,8ఎంపీ)
• వూక్​ 4.0 ఫ్లాష్ ఛార్జింగ్ సాంకేతికత

ఒప్పొ ఎఫ్15

ఒప్పొ ఎఫ్15

జనవరి 16న విడుదల చేయనున్నట్లు ప్రకటించిన ఈ స్మార్ట్​ఫోన్​లో వాటర్​డ్రాప్ డిస్​ప్లేతో పాటు నాలుగు కెమెరాలు ఉండనున్నాయి.

ఫీచర్లు

• 6.4 అంగుళాల తెర
• 8జీబీ ర్యామ్, 128జీబీ స్టోరేజ్​
• మీడియాటెక్ హీలియో పీ70 చిప్​సెట్​
• వెనక వైపు నాలుగు కెమెరాలు(64ఎంపీ,8ఎంపీ,2ఎంపీ,2ఎంపీ)
• రెండు సెల్ఫీ కెమెరాలు(32ఎంపీ,8ఎంపీ)
• 4,000 ఎంఏహెచ్ బ్యాటరీ
• 20 వాట్ వూక్​ 3.0 ఫ్లాష్ ఛార్జింగ్ సాంకేతికత

హానర్​ 9ఎక్స్, హానర్ 9ఎక్స్​ ప్రో

ఈ లిస్ట్​లో ఉన్న మరో ఆసక్తికరమైన స్మార్ట్​ఫోన్లు హానర్ 9ఎక్స్​, 9ఎక్స్​ ప్రో. ఈ ఫోన్లు రెండు చైనాలో గతేడాది జూలైలోనే విడుదలయ్యాయి. తాజాగా వీటిని భారత మార్కెట్లోకి విడుదల చేయాలని సంస్థ నిర్ణయించుకున్నట్లు సమాచారం.

హానర్ 9ఎక్స్ ఫీచర్లు

• 6.59 అంగుళాల తాకే తెర
• కిరిన్ 810 చిప్​సెట్​
• 8జీబీ ర్యామ్, 256జీబీ స్టోరేజ్
• 16 ఎంపీ పాప్​ అప్ సెల్ఫీ కెమెరా
• వెనకవైపు రెండు కెమెరాలు(48ఎంపీ,2ఎంపీ)

హానర్ 9ఎక్స్ ప్రో ఫీచర్లు

• 6.59 అంగుళాల తాకే తెర
• కిరిన్ 810 చిప్​సెట్​
• 8జీబీ ర్యామ్, 256జీబీ స్టోరేజ్
• 16 ఎంపీ పాప్​ అప్ సెల్ఫీ కెమెరా
• వెనకవైపు మూడు కెమెరాలు(48ఎంపీ,8ఎంపీ,2ఎంపీ)

మరికొన్ని

వీటితో పాటు రెడ్​మీ కే30 5జీ స్మార్ట్​ఫోన్ల ముందస్తు బుకింగ్​లు చైనాలో జనవరి 7నుంచి ప్రారంభం కానున్నాయి. వీవో ఎస్​1 ప్రో, రియల్​మీ సీ3, రియల్​మీ 5ఐ సైతం ఈ నెలలో విడుదల కానున్నాయి.