లక్నోలో తెలుగు సంస్కృతిని చాటేలా ఉగాది వేడుకలు

ఉగాది... తెలుగు రాష్ట్రాల్లోనే కాదు.. ఉత్తర్​ప్రదేశ్​లో కూడా తెలుగు సంసృతిని చాటేలా వేడుకలు నిర్వహించారు లక్నోలోని తెలుగు అసోసియేషన్​. ఈ కార్యక్రమానికి ఆ రాష్ట్ర ప్రముఖలతో పాటు తెలుగువారు హాజరయ్యారు. వేడుకల్లో నృత్య ప్రదర్శనలు అందరినీ ఆక్టటుకున్నాయి.

ఉగాది వేడుకలను ఉత్తర్​ప్రదేశ్​లోని​ తెలుగు అసోసియేషన్ లక్నోలో ఘనంగా నిర్వహించింది. నగరంలోని గోమతి నగర్​లో నిర్వహించిన ఈ కార్యక్రమానికి తెలుగు వారందరు హాజరయ్యారు. ఈ వేడుకల్లో ఐఏఎస్​ అధికారులు రామిరెడ్డి, ​ జితేంద్ర కుమార్​, ఎన్నికల కమిషన్​ చీఫ్​ వెంకటేశ్వర్లు పాల్గొన్నారు.

ఆకట్టుకున్న సాంస్కృతిక కార్యక్రమాలు

సాయంత్రం వేళ.. వరంగల్​ కళాకారులు సాంస్కృతిక కార్యక్రమాలు నిర్వహించి ఉత్తర్​ప్రదేశ్​లోనూ తెలుగు సంస్కృతిని చాటారు. కూచిపూడి నృత్యాలతో పాటు ఇతర సాంస్కృతిక ప్రదర్శనలు ఆకట్టుకున్నాయి.

లక్నోలో ఉన్న తెలుగు వారు ఈ కార్యక్రమాలను ఏర్పాటు చేయడం పట్ల ఐఏఎస్ అధికారి ​ రామిరెడ్డి హర్షం వ్యక్తం చేశారు. ప్రతి ఏటా ఇలాగే నూతన సంవత్సర వేడుకలు జరుపుకుంటున్నామని తెలుగు అసోసియేషన్​ వైస్​ ప్రెసిడెంట్ శ్రీనివాసులు అన్నారు.

మన సంస్కృతిని గుర్తు చేసేలా ఇలాంటి వేడుకలు నిర్వహించడం పట్ల స్థానిక తెలుగు ప్రజలు ఆనందం వ్యక్తం చేశారు.

ఇదీ చూడండి:'కాంగ్రెస్​లో నాయకత్వం బలహీనంగా ఉంది'