శనివారం.. వైకాపా శాసనసభాపక్ష సమావేశం

శనివారం ఉదయం ఆంధ్రప్రదేశ్​లో వైకాపా శాసనసభాపక్ష సమావేశం జరగనుంది. ఇవాళ సాయంత్రం జగన్​ మీడియాతో మాట్లాడనున్నట్లు ఆ పార్టీ నేత వైవీ సుబ్బారెడ్డి చెప్పారు.

ఆంధ్రప్రదేశ్​ ఎన్నికల ఫలితాల్లో ప్రభంజనం సృష్టిస్తున్న వైకాపా.. తదుపరి కార్యాచరణకు సిద్ధమవుతోంది. ఏపీలో అధికారం ఖాయమన్న ఫలితాల అంచనాలతో.. శాసనసభాపక్ష సమావేశానికి సిద్ధమయ్యారు. శనివారం ఉదయం వైకాపా తాజా ఎమ్మెల్యేలు సమావేశం కానున్నారని ఆ పార్టీ నేత వైవీ సుబ్బారెడ్డి చెప్పారు. ఇవాళ సాయంత్రం జగన్ మీడియాతో మాట్లాడతారన్నారు. తెదేపా పాలన నచ్చకే.. ప్రజలు వైకాపాను గెలిపించారని చెప్పారు.