ఎన్నికలకు సిద్ధమైన ఉద్యమాల గడ్డ నల్గొండ

ఉద్యమాల గడ్డ నల్గొండలో రేపటి ఓట్లపండుగకు అధికారులు సర్వం సిద్ధం చేశారు. నల్గొండ నియోజకవర్గ పరిధిలో 1990 పోలింగ్ కేంద్రాలను ఏర్పాటు చేశారు.

నల్గొండలో పార్లమెంటు ఎన్నికలకు ఏర్పాట్లు పూర్తయ్యాయి. ఎన్నికల విధుల్లో పాల్గొనే సిబ్బందికి మధ్యాహ్నం వరకే సామాగ్రి అందించారు. ఉద్యోగులంతా.. తమకు కేటాయించిన కేంద్రాలకు ప్రత్యేక వాహనాల్లో చేరుకున్నారు. నల్గొండ నియోజకవర్గ పరిధిలో 7 శాసనసభ స్థానాలున్నాయి. నల్గొండ పరిధిలో 1990 కేంద్రాలు ఏర్పాటు చేశారు.

అటు నాగార్జునసాగర్ నియోజకవర్గంలో 293 పోలింగ్​ కేంద్రాలను ఏర్పాటు చేశారు. దాదాపు 2000 మంది సిబ్బంది ఎన్నికల విధుల్లో పాల్గొంటారు. పోలింగ్​ కేంద్రాల్లో వెబ్​కాస్టింగ్, వీడియో చిత్రీకరణకు ఏర్పాటు చేశారు. ఈ​ నియోజకవర్గంలో నాలుగు పోలింగ్​ కేంద్రాలు సమస్యాత్మకంగా ఉన్నట్లు పోలీసులు గుర్తించారు.

ప్రతి ఒక్కరు స్వేచ్ఛగా తమ ఓటు హక్కు వినియోగించుకోవాలని పోలింగ్ అధికారులు సూచించారు. పార్టీలు ప్రలోభాలకు పాల్పడితే కఠిన చర్యలు తీసుకుంటామని పోలీసులు హెచ్చరించారు.

ఇదీ చూడండి:ఎన్నికల పండుగకు ప్రత్యేక రైళ్లు