భార్యను చంపిన భర్త.. నిర్ధరణ తర్వాత పరారీ

అనుమానం పెనుభూతంగా మారింది. కట్టుకున్న భార్యను కడతేర్చి కాటికి పంపాడు ఓ భర్త. ఈ సంఘటన హైదరాబాద్​ రాజేంద్రనగర్​ పోలీస్​ స్టేషన్​ పరిధిలో తీవ్ర కలకలం రేపింది.

భర్త తన భార్యపై కత్తితో దాడి చేసి చంపిన ఘటన హైదరాబాద్​ రాజేంద్రనగర్​ పరిధిలో చోటుచేసుకుంది. ఎంఎం పహాడీకి చెందిన అమాన్​ 9 ఏళ్ల క్రితం నజ్మా అనే యువతిని వివాహమాడాడు. వీరికి ఇద్దరు పిల్లలు. అమాన్​ పెళ్లయిన నాటినుంచే నజ్మాను అనుమానించసాగాడు. తరచుగా ఇరువురి మధ్య గొడవలు జరిగేవి. పోలీసులు పలుమార్లు కౌన్సిలింగ్​ కూడా ఇచ్చారు. ఆదివారం జరిగిన గొడవ ఘర్షణకు దారితీసింది. కోపోద్రిక్తుడైన అమాన్​ కత్తితో దాడికి పాల్పడ్డాడు. భార్య మృతి చెందిందని నిర్దరించుకున్న తర్వాతే అమాన్​ పరారయ్యాడు. కేసు నమోదు చేసుకున్న పోలీసులు నిందితుడి కోసం గాలిస్తున్నారు.

ఇవీ చూడండి:ప్రియురాలు మోసం చేసిందని ఉరి వేసుకున్నాడు