భారత మహిళా క్రికెటర్ల టీ20 ర్యాంకులు పదిలం

తాజాగా ఐసీసీ విడుదల చేసిన టీ20 ర్యాంకింగ్స్​లో బ్యాట్స్ఉమెన్ స్మృతీ మంధాన  మూడో స్థానంలో, బౌలర్ పూనం యాదవ్ రెండో స్థానంలో నిలిచారు.

ఐసీసీ టీ20 ర్యాంకింగ్స్​లో భారత మహిళా క్రికెటర్లు తమ స్థానాల్ని పదిలపర్చుకున్నారు. బ్యాట్స్​ఉమెన్ స్మృతి మంధాన మూడో స్థానంలోనూ, బౌలర్ పూనం యాదవ్ రెండో స్థానంలో కొనసాగుతున్నారు.

బ్యాటింగ్​లో కివీస్ బ్యాట్స్​ఉమెన్ సుజీ బేట్స్ తొలి స్థానంలో, వెస్టిండీస్​కు చెందిన డాటిన్ రెండో స్థానంలో ఉన్నారు. భారత బ్యాట్స్​ఉమెన్​లో జెమిమీ ఆరు, హర్మన్ ప్రీత్ 9వ స్థానంలో ఉన్నారు.

బౌలర్లలో మొదటి స్థానంలో ఆస్ట్రేలియాకు చెందిన మేగన్ స్కాట్ ఉంది. భారత్​ జట్టు లెఫ్ట్​ఆర్మ్​ స్పిన్నర్ రాధా యాదవ్ ఐదో ర్యాంకులో కొనసాగుతోంది.

టీం విభాగంలో భారత మహిళా క్రికెట్ జట్టు ఐదో ర్యాంకులో ఉంది. తొలి రెండు స్థానాల్లో ఆస్ట్రేలియా, ఇంగ్లండ్ ఉన్నాయి.