13 వరకు కొనసాగనున్న కేసీఆర్​ పర్యటన

ముఖ్యమంత్రి కేసీఆర్​... కేరళ, తమిళనాడు రాష్ట్రాల పర్యటన 13 వరకు కొనసాగనుంది. పలు ప్రముఖ ఆలయాలను కుటుంబసమేతంగా సందర్శించనున్నారు సీఎం. ఇవాళ ఆయన తనయుడు కేటీఆర్​ కూడా... సతీసమేతంగా కోవలం చేరుకుని తండ్రితో కలిసి దైవ దర్శనం చేసుకోనున్నారు.

రాష్ట్ర ముఖ్యమంత్రి కేసీఆర్​ ఈ నెల 13 వరకు కేరళ, తమిళనాడు రాష్ట్రాల్లో పర్యటించనున్నారు. సోమవారం కేరళ వెళ్లిన కేసీఆర్​...ఆ రాష్ట్ర సీఎం పినరయి విజయన్​తో భేటీ అయ్యారు. అనంతరం కోవలం చేరుకున్నారు. తెరాస కార్యనిర్వాహక అధ్యక్షుడు కేటీఆర్​ కూడా సతీసమేతంగా... మంగళవారం కోవలం వెళ్లారు. ఇవాళ కన్యాకుమారికి వెళ్లనున్నారు. రాత్రి అక్కడే బస చేస్తారు. 9న రామేశ్వరం వెళ్తారు. అక్కడి నుంచి కేటీఆర్​ తిరిగి హైదరాబాద్​ పయనమవుతారని సమాచారం. సీఎం కేసీఆర్​ 10న మధుర మీనాక్షి ఆలయం, 11న శ్రీరంగం సందర్శిస్తారు. 12న మహాబలిపురం చేరుకుంటారు. 13న చెన్నైలో బస చేస్తారు. 14న తిరుగు ప్రయాణమవుతారని తెరాస వర్గాలు తెలిపాయి.

ఇవీ చూడండి: పాలమూరు-రంగారెడ్డిపై ప్రజాభిప్రాయ సేకరణ