జలసంకల్ప యాగంలో పాల్గొన్న సీఎం కేసీఆర్ దంపతులు

మేడిగడ్డ వద్ద ఏర్పాటు చేసిన జలసంకల్ప యాగంలో ముఖ్యమంత్రి కేసీఆర్​ దంపతులు పాల్గొన్నారు. యాగం అనంతరం కాళేశ్వరం ప్రాజెక్టును సీఎం ప్రారంభించనున్నారు.

యావత్ తెలంగాణ ప్రజలు ఎదురుచూస్తున్న సమయం రానే వచ్చింది. గోదావరి జలాలతో రాష్ట్రాన్ని కోటి ఎకరాల మగాణిగా మార్చి, తాగునీరిచ్చి గొంతు తడిపే కాళేశ్వరం ఎత్తిపోతల పథకం ప్రారంభ మహా ఘట్టానికి సమయం ఆసన్నమైంది. తెలంగాణ ప్రభుత్వం ప్రతిష్ఠాత్మకంగా చేపట్టిన కాళేశ్వరం ప్రాజెక్టును మరికాసేపట్లో ముఖ్యమంత్రి కేసీఆర్​ జాతికి అంకితమివ్వనున్నారు.​ ఇప్పటికే మేడిగడ్డ చేరుకున్న సీఎం దంపతులు... ప్రాజెక్టు వద్ద ప్రత్యేకంగా ఏర్పాటు చేసిన జలసంకల్ప యాగంలో పాల్గొన్నారు. పూజల అనంతరం ఉదయం 10.30గంటలకు తెలంగాణ జలప్రదాయని కాళేశ్వరంను ప్రారంభించనున్నారు.

ఇవీ చూడండి;మేడిగడ్డ చేరుకున్న సీఎం కేసీఆర్​ దంపతులు