మరోసారి దేశ ప్రధానిగా నరేంద్ర మోదీయే కావాలంటూ ఓ భాజపా కార్యకర్త చేపట్టిన సైకిల్ యాత్ర మహబూబ్నగర్కు చేరుకుంది. రాష్ట్రంలోని 33 జిల్లాలు, 17 పార్లమెంట్ నియోజకవర్గాల్లో సైకిల్పై తిరుగుతూ ప్రచారం చేస్తున్నాడు జగిత్యాల జిల్లాకు చెందిన రవీంద్ర కుమార్. మహాశివరాత్రి రోజు ధర్మపురి క్షేత్రంలో ఈ యాత్రను ప్రారంభించినట్లు రవీంద్ర కుమార్ తెలిపారు. తెలంగాణలో భాజపా ఎక్కువ శాతం పార్లమెంటు స్థానాలను గెలుచుకోవాలని ఆయన ఆకాంక్షించారు. కమలం పార్టీ ప్రవేశపెట్టిన పథకాలు, చేపట్టిన అభివృద్ధి కార్యక్రమాలను ప్రజలకు వివరిస్తూ యాత్ర కొనసాగిస్తున్నారు. రాష్ట్రంలో అన్ని పార్లమెంట్ స్థానాల్లో పర్యటించి ప్రచారం చేస్తానని రవీంద్ర కుమార్ తెలిపారు.
