శంషాబాద్ విమానాశ్రయంలో 11 కిలోల బంగారం సీజ్
శంషాబాద్ విమానాశ్రయంలో సోదాల్లో మరోసారి పెద్ద ఎత్తున బంగారం బయటపడింది. ముందస్తు సమాచారంతో దుబాయ్ నుంచి వచ్చిన ఓ ప్రయాణికురాలి లగేజీని అధికారులు తనిఖీ చేశారు. అందులో 11.1 కిలోల పుత్తడిని గుర్తించారు. దీని విలువ సుమారు రూ.3,63,52,500 అంచనా వేస్తున్నారు. వీటితో పాటు 4లక్షల 25వేల విలువైన సింగపూర్ డాలర్లు, యూఏఈ దీరమ్స్ను స్వాధీనం చేసుకున్నారు. మహిళను అదుపులోకి తీసుకున్నారు.
అనంతరం మహిళ గత మూడు నెలలుగా నివాసం ఉంటున్న ఓ ఐదు నక్షత్రాల హోటల్ గదిలో అధికారులు సోదాలు చేశారు. రూ. 1,50,64,012 విలువైన అమెరికా డాలర్లు, సౌదీ రియాల్స్ స్వాధీనం చేసుకున్నారు.