03:58 August 04
మరో కాల్పుల ఘటనతో అమెరికా ఉలిక్కిపడింది. టెక్సాస్లోని సియలో విస్టా షాపింగ్ మాల్లో జరిగిన హింసాకాండకు దాదాపు 20 మంది ప్రాణాలు కోల్పోయారు. ఒకరి కంటే ఎక్కువ మంది ఆగంతకులు కాల్పులు జరిపి ఉంటారని అధికారులు అంచనా వేస్తున్నారు.
ఈ ఘటనకు సంబంధించి ఒకరిని పోలీసులు అదుపులోకి తీసుకున్నారు. ఒకరి కంటే ఎక్కువ మంది ఆగంతకులు కాల్పులకు తెగబడి ఉండొచ్చని అధికారులు అంచనా వేస్తున్నారు.
కాల్పుల శబ్దాలకు మాల్లోని ప్రజలు ప్రాణాలు అరచేతిలో పెట్టుకుని బయటకు పరుగులు తీశారు.
03:43 August 04
పెరుగుతున్న కాల్పుల ఘటనలు
అగ్రరాజ్యంలో కాల్పుల ఘటనలు పెరిగిపోతున్నాయి. వారం రోజుల వ్యవధిలో ఇది రెండో ఘటన. గత వారం అమెరికాలోని మరో షాపింగ్మాల్లో కాల్పుల మోత మోగింది.అంతకు ముందే కాలిఫోర్నియాలోని ఓ ఫుడ్ ఫెస్ట్లో ఆగంతకుడు బులెట్లతో విరుచుకుపడ్డాడు.
02:17 August 04
కాల్పుల ఘటనపై ట్రంప్ స్పందన...
టెక్సాస్ కాల్పుల ఘటనను అమెరికా అధ్యక్షుడు డొనాల్డ్ ట్రంప్ ఖండించారు. మృతుల కుటుంబాలకు ప్రగాఢ సానుభూతి తెలిపారు.
టెక్సాస్లోని ఓ షాపింగ్ మాల్లో జరిగిన ఈ ఘటనలో సుమారు 20 మంది మృతిచెందారు.
01:17 August 04
అదుపులో ముగ్గురు...
ఈ ఘటనకు సంబంధించి ముగ్గురిని పోలీసులు అదుపులోకి తీసుకున్నారు.
01:09 August 04
టెక్సాస్లో కాల్పుల కలకలం- 20 మంది మృతి!
అమెరికాలో మరోసారి కాల్పుల మోత మోగింది. టెక్సాస్లోని ఓ షాపింగ్ మాల్లో ఆగంతకులు కాల్పులకు పాల్పడ్డారు. ఈ ఘటనలో సుమారు 20మంది ప్రాణాలు కోల్పోయినట్టు సమాచారం. పలువురు గాయపడ్డారు. మృతుల సంఖ్య మరింత పెరిగే అవకాశముంది.
