సలాం కిసాన్.. ఒక్క మొక్కతో 24కేజీల పసుపు దిగుబడి

Uttarakhand Farmer 24KG Turmeric: ఉత్తరాఖండ్​కు చెందిన రైతు నరేంద్ర మెహ్రా పసుపు సాగులో చరిత్ర సృష్టించారు. ఒక్క మొక్క ద్వారా 24 కిలోల పసుపును పండించారు. ఒకే మొక్కకు 24 కిలోల పసుపు పండించడం దేశంలోనే తొలిసారని చెప్పారు మెహ్రా.

Uttarakhand Farmer 24KG Turmeric: సాధారణంగా ఒక మొక్కకు అత్యధికంగా కేజీ పసుపు ఉత్పత్తి అవుతుంది. కానీ ఉత్తరాఖండ్​ హల్ద్వానీ జిల్లా గౌలాపార్ గ్రామానికి చెందిన రైతు నరేంద్ర మెహ్రా మాత్రం పసుపు సాగులో నూతన అధ్యాయాన్ని ఆవిష్కరించారు. ఒక్క మొక్క నుంచి ఏకంగా 24కిలోల పసుపును దిగుబడి చేసి చరిత్ర సృష్టించారు. దీని కోసం ఓ కొత్త వంగడాన్ని కనిపెట్టారు నరేంద్ర మెహ్రా.

సరికొత్త వంగడం ద్వారా పసుపు పంట

సాగు చేసిన పసుపు పంట వద్ద రైతు నరేంద్ర మెహ్రా

రింగ్ పిట్ పద్ధతిలో..

పసుపు దుంపను బయటకు తీస్తూ..

24 కిలోల పసుపు దుంప

బయటకు తీసిన పసుపు దుంపతో

రెండేళ్ల క్రితం ఈ ప్రత్యేక వంగడానికి చెందిన పసుపు మొక్కను రింగ్ పిట్ పద్ధతిలో తోటలో నాటారు. రింగ్ పిట్ పద్ధతిలో పసుపు పంటసాగును సాగు చేయడానికి పొలం మొత్తం దున్నాల్సిన పనిలేదు. ఓ గుంత తీసి అందులో పసుపు మొక్కలను నాటితే సరిపోతుంది. తర్వాత సేంద్రీయ ఎరువులను వాడాలి.

"రింగ్ పిట్ అనే పద్ధతిలో ఇది సాధ్యమైంది. పూర్తిగా సేంద్రీయ ఎరువులతో సాగు చేశాను. ఈ దుంప 24కిలోలు ఉంది. ఈ వంగడానికి పేటెంట్ పొందేందుకు ప్రయత్నిస్తున్నా. నా జీవితంలో ఇలాంటి ఉత్పత్తి చూడలేదు, వినలేదు."

-- నరేంద్ర మెహ్రా, పసుపు రైతు

దేశంలో తొలిసారి..

పసుపు దుంపను తూకం వేస్తూ..

పూర్తిగా సేంద్రీయ ఎరువులతోనే సాగు

ఒక్క మొక్క నుంచి ఇంత మొత్తంలో పసుపును ఉత్పత్తి చేయడం దేశంలో ఇదే తొలిసారని చెప్పారు మెహ్రా. ఇప్పుడు ఇదే వంగడంతో మరింత విస్తీర్ణంలో పసుపు పంటను సాగు చేయాలని నిర్ణయించారు మెహ్రా. అందుకు అనుగుణంగా శాస్త్రవేత్తలతో చర్చలు జరిపి ఈ కొత్త వంగడానికి పేటెంట్ పొందాలని చూస్తున్నారు. ఈ విధంగా దేశంలోని రైతులు అధిక ఆదాయాన్ని పొందవచ్చని చెబుతున్నారు మెహ్రా.

ఇదీ చూడండి:నిద్రించే 'డ్రైవర్​కు అలర్ట్'.. రోడ్డు ప్రమాదాలకు చెక్!