ఆ రాష్ట్రంలో 18 ఏళ్లు దాటినవారికి టీకా ఫ్రీ

రాష్ట్రంలో 18 ఏళ్లు దాటినవారికి ఉచితంగా టీకా అందించనున్నట్లు ఉత్తర్​ప్రదేశ్​ ప్రభుత్వం ప్రకటించింది. మే 1వ తేదీ నుంచి ఇది అమల్లోకి రానుంది. ఈ మేరకు సమావేశమైన రాష్ట్ర కేబినెట్​.. కొవిడ్​ నియంత్రణకు ఈ నిర్ణయం తీసుకుంది.

కరోనా విజృంభణ కొనసాగుతున్న వేళ.. ఉత్తర్​ప్రదేశ్ ప్రభుత్వం కీలక నిర్ణయం తీసుకుంది. వచ్చే నెల 1వ తేదీ నుంచి వయోజనులందరికీ(18ఏళ్లు దాటిన) ఉచితంగా కొవిడ్​ టీకా అందించనున్నట్లు వెల్లడించింది. ఈ మేరకు సమావేశమైన రాష్ట్ర కేబినెట్​.. ఈ నిర్ణయం తీసుకుంది.

"కరోనాను మరింత సమర్థంగా ఎదుర్కోవడానికి ప్రధాని నిర్ణయం ఉపకరిస్తుంది. భారీ వ్యాక్సినేషన్​ ద్వారా వైరస్​కు అడ్డుకట్ట వేయవచ్చు. 18ఏళ్లు దాటిన అందరికీ ఉచితంగా టీకా అందించాలని నిర్ణయించాం. వ్యాక్సినేషన్​ ప్రక్రియను సమర్థంగా నిర్వహిస్తాం."

- యూపీ సీఎం యోగి ఆదిత్యనాథ్​

ఈ క్రమంలో 18 ఏళ్లు దాటినవారికి వ్యాక్సిన్​ పంపిణీ చేయడానికి అనుమతించినందుకు ప్రధాని నరేంద్ర మోదీకి కేబినెట్​ కృతజ్ఞతలు తెలిపింది.

ఇదీ చూడండి:ఆక్సిజన్​ ప్లాంట్​లకు సాయుధ బలగాల రక్షణ