తాజ్​మహల్​ వద్ద అనుమానాస్పద క్యాన్​ కలకలం

ప్రపంచ పర్యటక కేంద్రం ఆగ్రాలోని తాజ్​ మహల్​ వద్ద శుక్రవారం మధ్యాహ్నం ఆందోళనకర పరిస్థితి నెలకొంది. ప్రేమసౌధం సమీపంలో అనుమానాస్పదంగా కనిపించిన ఓ క్యాన్​ కలకలం రేపింది. పేలుడు పదార్థాలు ఉన్నాయేమోనని విస్తృత తనిఖీలు చేపట్టిన అధికారులు... చివరకు అలాంటిదేమీ లేదని నిర్ధరించారు.

ప్రపంచ ప్రఖ్యాత ప్రేమసౌధం తాజ్​మహల్​ వద్ద శుక్రవారం ఓ అనుమానాస్పద డబ్బా కలకలం రేపింది. పేలుడు పదార్థాలు ఉన్నాయనే అనుమానాలతో భద్రతా సిబ్బంది విస్తృత తనిఖీలు నిర్వహించారు. చివరకు అందులో ఆహార పదార్థాలు మాత్రమే ఉన్నాయని తెలుసుకుని అంతా ఊపిరి పీల్చుకున్నారు.

కిట్​ ధరించి క్యాన్​ను పరిశీలిస్తున్న బాంబు స్క్వాడ్

అప్రమత్తమైన అధికారులు

ఇదీ జరిగింది..

ఉత్తర్​ప్రదేశ్​ ఆగ్రా పురానీ మండీ ప్రాంతంలోని షాజహాన్ గార్డెన్ సమీపంలో ఓ చిన్న క్యాన్​కు తాళం వేసి ఉన్నట్లు ఓ స్థానికుడు గమనించాడు. వెంటనే తాజ్​గంజ్​ పోలీసులకు సమాచారం అందించాడు. అప్రమత్తమైన పోలీసులు బాంబ్​ స్క్వాడ్​కు సమాచారం అందించారు.

క్యాన్​ను తెరిచిన అధికారి

క్యాన్​లో తినుబండారాలు

ప్రత్యేక కిట్ ధరించి, అత్యంత జాగ్రత్తగా క్యాన్​ తెరిచింది బాంబ్ నిర్వీర్య దళం. చివరకు.. క్యాన్​లో పేలుడు పదార్థాలు లేవని, కొన్ని ఆహార పదార్థాలు ఉన్నాయని తేల్చింది.

క్యాన్​ను తొలగిస్తున్న బాంబు స్క్వాడ్

పేలుడు పదార్థాలున్నాయనే అనుమానాల నేపథ్యంలో గంటన్నర పాటు స్థానికుల్లో భయాందోళన నెలకొంది. బాంబ్​ స్క్వాడ్​.. క్యాన్​ను తొలగించే సమయంలో ఆ మార్గం వైపు వెళ్లకుండా పోలీసులు వాహనాలను నిలిపివేశారు.

ఇదీ చదవండి:గంగా జలంతో కేసుల పరిష్కారం- పోలీసులపై చర్యలు