'గిరిజనులపై రాకెట్​ లాంచర్ల ప్రయోగం.. మహిళలపై జవాన్ల వేధింపులు'

Tribal Women Assault by Jawans: తమ మహిళలపై జవాన్లు వేధింపులకు పాల్పడ్డారని బీజాపుర్​లో ఆదివాసీ ప్రజలు ఆందోళకు దిగారు. తమ గుడిసెలను ఖాళీ చేయించారని ఆరోపించారు.

Tribal Women Assault by Jawans: ఛత్తీస్​గఢ్​ బీజాపుర్​ జిల్లాలో ఆదివాసీ మహిళలపై జవాన్లు వేధింపులకు పాల్పడ్డారనే ఘటన వెలుగులోకి వచ్చింది. భద్రతా దళాలు ఆపరేషన్​లో భాగంగా తమ మహిళలపై అఘాయిత్యాలకు పాల్పడ్డారని పసునుర్ వడ్డె పరా గ్రామస్థులు ఆరోపించారు. తమ గుడిసెలను ఖాళీ చేయించారని తెలిపారు. ఈ మేరకు జిల్లాలో మూలవాసీ బచావో మంచ్ ప్రెసిడెంట్​ నేతృత్వంలో ఆందోళనకు దిగారు. నిరసన తెలిపే తమను పోలీసులు హింసించారని ఆరోపించారు.

ఓ క్రమంలో భద్రతా బలగాలు తమపై రాకెట్​ లాంచర్లు ప్రయోగించాయని గ్రామస్థులు తెలిపారు. అయితే.. అవి పేలని కారణంగా వాటిని తామే భద్రపరిచినట్లు వెల్లడించారు.

2020 డిసెంబర్​లోనూ ఇలాంటి ఘటన జరిగిందని స్థానికులు చెబుతున్నారు. పోలీసు క్యాంపులకు వ్యతిరేకంగా ఆందోళన జరిపిన ప్రజలపై బలగాలు వేధింపులకు పాల్పడ్డారని ఆరోపించారు. గిరిజన మహిళలపై కూడా దాడులు చేశారని చెప్పారు.

ఇదీ చదవండి:భద్రతా దళాలపై గ్రెనేడ్​ దాడి.. పౌరుడు మృతి