234 బొంగరాలు తిప్పి అన్నాడీఎంకే తరఫున ప్రచారం
తమిళనాడు కోయంబత్తూరుకు చెందిన సూక్ష్మ కళాకారుడు రాజా.. అన్నాడీఎంకే తరఫున ఎన్నికల ప్రచారం వినూత్నంగా చేశారు. మొత్తం 234 అసెంబ్లీ స్థానాలను ప్రతిబింబించేలా 234 బొంగరాలను రెండు వేళ్లతో కేవలం ఏడు నిమిషాల్లో తిప్పి అబ్బురపరిచారు. అన్నాడీఎంకే కార్యకర్తలు.. బొంగరాళ్లా.. విస్తృత ప్రచారం నిర్వహించి పార్టీని గెలిపించాలని సూచించారు.
" నేను బొంగరాలను తిప్పటానికి రెండు వేళ్లను వాడాను. ఎందుకంటే అన్నాడీఎంకే పార్టీ గుర్తులో రెండు ఆకులు ఉంటాయి. వాటిని ప్రతిబింబించేలా నేను రెండు వేళ్లతో తిప్పాను. బొంగరాళ్లా.. పార్టీ కార్యకర్తలు సైతం విస్తృత ప్రచారం నిర్వహించాలని కోరుతున్నా."