అసోం రైఫిల్స్ కమాండింగ్ ఆఫీసర్‌ కాన్వాయ్పై ఉగ్రవాదులు దాడి చేశారు. మణిపుర్లోని చురాచంద్పుర్ జిల్లా సింఘాట్ సబ్ డివిజన్లో ఈ ఘటన జరిగింది. ఈ ఘటనలో అసోం రైఫిల్స్ కమాండింగ్ అధికారి కర్నల్ విప్లవ్ త్రిపాఠితో పాటు ఆయన భార్య, ఎనిమిదేళ్ల చిన్నారి సైతం ప్రాణాలు కోల్పోయారని రక్షణ శాఖ తన అధికార ప్రకటనలో తెలిపింది. అసోం రైఫిల్స్కు చెందిన మరో నలుగురు సిబ్బంది సైతం చనిపోయారని పేర్కొంది. నలుగురు జవాన్లు గాయపడ్డారని వివరించింది.
దాడి సమయంలో కాన్వాయ్‌లో కమాండింగ్ ఆఫీసర్‌ కుటుంబసభ్యులు, తక్షణ స్పందన సిబ్బంది ఉన్నారని సంబంధిత వర్గాలు తెలిపాయి. ఉగ్రవాదులు తొలుత ఐఈడీతో పేలుడుకు పాల్పడ్డారని ఆర్మీ అధికారులు తెలిపారు. అనంతరం కాన్వాయ్పై కాల్పులు జరిపారని చెప్పారు. కర్నల్ విప్లవ్ త్రిపాఠి.. తన ఫార్వర్డ్ బేస్ నుంచి బెటాలియన్ హెడ్క్వాటర్స్కు వెళ్తున్నారని వివరించారు.