Telangana New Cabinet Ministers Profiles : 2014లో తెలంగాణ ప్రత్యేక రాష్ట్రంగా ఏర్పాటు చేసిన కాంగ్రెస్ పార్టీ దాదాపు దశాబ్ద కాలం పాటు అధికారం కోసం వేచి చూడాల్సి వచ్చింది. మార్పు రావాలంటే కాంగ్రెస్ రావాలనే నినాదంతో ఈసారి ఎన్నికలకు వెళ్లి విజయాన్ని సాధించింది. పార్టీని అధికారంలోకి తేవడంలో కీలక పాత్ర పోషించిన రేవంత్ రెడ్డిని కాంగ్రెస్ పార్టీ సీఎంగా ప్రకటించింది. దీంతో నేడు ఆయన ఎల్బీ స్టేడియంలో ముఖ్యమంత్రిగా ప్రమాణ స్వీకారం చేశారు. రేవంత్తో పాటు 11 మంది అమాత్యులుగా ప్రమాణ స్వీకారం చేశారు.
మంత్రుల కూర్పులో కాంగ్రెస్ ప్రభుత్వం అధికారంలోకి రావడానికి కృషి చేసిన వారికి అధిష్ఠానం పెద్ద పీఠ వేసింది. ఈ క్రమంలో భట్టి విక్రమార్క, ఉత్తమ్ కుమార్ రెడ్డి, జూపల్లి కృష్ణారావు, దామోదర రాజనర్సింహ, దుద్దిళ్ల శ్రీధర్బాబు, పొంగులేటి శ్రీనివాస్ రెడ్డి, తుమ్మల నాగేశ్వర్ రావు, సీతక్క, కొండా సురేఖ, పొన్నం ప్రభాకర్ మొదలుగు వారు మంత్రులుగా ప్రమాణ స్వీకారం చేశారు. ఇప్పుడు వీరి గురించి, వారికి కేటాయించిన శాఖల గురించి తెలుసుకుందాం.
11 మంది మంత్రులకు కేటాయించిన శాఖలివే:
- మల్లు భట్టి విక్రమార్క - డిప్యూటీ సీఎం, రెవెన్యూ మంత్రిత్వ శాఖ
- ఉత్తమ్ కుమార్ రెడ్డి - హోంశాఖ
- కోమటిరెడ్డి వెంకట్ రెడ్డి - పురపాలక శాఖ
- జూపల్లి కృష్ణారావు - పౌరసరఫరాల శాఖ
- దామోదర రాజనర్సింహ - ఆరోగ్య శాఖ
- తుమ్మల నాగేశ్వర్ రావు - రోడ్లు, భవనాల శాఖ
- దుద్దిళ్ల శ్రీధర్ బాబు - ఆర్థిక శాఖ
- పొంగులేటి శ్రీనివాస్ రెడ్డి - నీటి పారుదల శాఖ
- దనసరి అనసూయ(సీతక్క) - గిరిజన సంక్షేమ శాఖ
- కొండా సురేఖ - స్త్రీ, శిశు సంక్షేమ శాఖ
- పొన్నం ప్రభాకర్ - బీసీ సంక్షేమ శాఖ
మల్లు భట్టి విక్రమార్క : (డిప్యూటీ సీఎం, రెవెన్యూ మంత్రిత్వ శాఖ)
- మధిర నియోజకవర్గం
- విద్యార్హతలు: ఎం.ఎ.
- ఎమ్మెల్యే: 2009, 2014, 2019, 2023
- ఎమ్మెల్సీ: 2007-2009
- పదవులు: ప్రభుత్వ విప్, ఉపసభాపతి, టీపీసీసీ వర్కింగ్ ప్రెసిడెంట్, సీఎల్పీ నేత
ఎన్. ఉత్తమ్ కుమార్ రెడ్డి : (హోం మంత్రిత్వ శాఖ)
- హుజూర్ నగర్ నియోజకవర్గం
- విద్యార్హత : బీఎస్సీలో గ్రాడ్యుయేట్
- భారత వైమానిక దళంలో మాజీ ఫైటర్ పైలట్
- రాజకీయ అరంగేట్రం: 1994
- ఎమ్మెల్యేగా : 1999, 2004, 2009, 2014, 2018, 2023
- ఎంపీ: 2019 నల్గొండ
- పదవులు: గృహ నిర్మాణశాఖ మంత్రి,
- 2014లో పీసీసీ కార్యనిర్వాహక అధ్యక్షుడు,
- 2015 పీసీసీ అధ్యక్షుడు
- కాంగ్రెస్ కేంద్ర ఎన్నికల కమిటీ సభ్యుడు, స్క్రీనింగ్‌ కమిటీ సభ్యుడు
జూపల్లి కృష్ణారావు : (పౌర సరఫరాల శాఖ)
- కొల్లాపూర్ నియోజకవర్గం
- రాజకీయ అరంగేట్రం - 1999
- ఎమ్మెల్యే: 2004, 2009, 2012, 2014
- పదవులు: ఆహార, పౌర సరఫరాల శాఖ, దేవాదాయశాఖ, పంచాయితీ రాజ్ &గ్రామీణాభివృద్ధి శాఖ
- 2011లో టీఆర్ఎస్లో చేరిక
- 2023లో కాంగ్రెస్‌లో చేరిక
దామోదర రాజనర్సింహ : (ఆరోగ్య శాఖ)
- ఆందోల్ నియోజకవర్గం
- 1989లో రాజకీయ ఆరంగేట్రం
- ఎమ్మెల్యే: 1999, 2004, 2009, 2023
- పదవులు: ఉప ముఖ్యమంత్రి, ప్రాథమిక విద్యాశాఖ మంత్రి, ఎస్సీ కార్పొరేషన్ ఛైర్మన్
దుద్దిళ్ల శ్రీధర్ బాబు : (ఆర్థిక మంత్రిత్వ శాఖ)
- మంథని నియోజకవర్గం
- విద్యార్హత – పొలిటికల్ సైన్స్
- రాజకీయ అరంగేట్రం - 1999
- ఎమ్మెల్యేగా - 1999, 2004, 2009, 2018, 2023
- మంత్రి పదవి: పౌర సరఫరాలు, వినియోగదారుల వ్యవహారాలు
- లీగల్ మెట్రాలజీ &శాసనసభ వ్యవహారాల మంత్రి
పొంగులేటి శ్రీనివాస్ రెడ్డి : (నీటి పారుదల శాఖ)
- పాలేరు నియోజకవర్గం
- విద్యార్హతలు: దూరవిద్యలో డిగ్రీ, ఎల్.ఎల్.బి.
- రాజకీయ అరంగేట్రం: 2013లో వైఎస్ఆర్ కాంగ్రెస్
- 2014లో వైఎస్ఆర్ కాంగ్రెస్ పార్టీ రాష్ట్ర అధ్యక్షుడు
- 2014 లోక్‌సభ ఎన్నికల్లో ఖమ్మం పార్లమెంట్ సభ్యుడు
- 2016లో టీఆర్ఎస్లో చేరిక
- రవాణా, పర్యాటక, సాంస్కృతిక శాఖ స్టాండింగ్ కమిటీల సభ్యుడు
- 2023లో కాంగ్రెస్‌లో చేరిక
- తెలంగాణ కాంగ్రెస్ ప్రచార కమిటీ కో-ఛైర్మన్ గా నియామకం
- 2023 అసెంబ్లీ ఎన్నికల్లో పాలేరు నుంచి ఘనవిజయం